開心來源

前陣子，同一個專業人士傾偈，發現原來我一生人都無乜興趣，100%全副精神都放左系工作﹗好DRY﹗無咩可以令到我開心﹗好似對尼個世界無晒感覺咁﹗

上星期見另一專業人士，傾吓傾吓，先發現，其實我咁勤力做野，都系為左父母。原來唯一一樣野可以令到我開心既，系父母開心﹗不過，我自己對自己太TOUGH，成日都覺得對父母未夠好，成日都想做好D做好D，令到自己情緒好波動﹗專業人士話，其實父母可能根本無要求你做咁多，只要你開心，生活過得好，間唔時陪吓佢地已經心足﹗

可能我真系諗多左啦﹗

上星期5，陪左爸爸媽媽亞姨上去深圳買窗簾，足足一整天，行吓食吓，好開心好開心，好似好耐都無陪過佢地啦﹗

其實我唔應該用我自己既方法去愛佢地，應該用佢地想要既方式去愛佢地﹗

一個開心既晚上

近日認知到自己身體有毛病，所以生活好似放緊假咁﹗要休息

今晚出席左一個朋友所攪既WINE TASTING活動，玩得好開心，好似好耐都無試過咁放開懷抱去玩﹗今晚仲主動咁認識左一個女性朋友，成場都KEEP住同佢傾偈，無乜冷場，幾好﹗

前幾日，系屋企玩MSN時，見到個識左兩年幾三年既一個朋友彈上尼喎，其實同佢唔系話咁熟，而且都系見過幾次面，不過平時系MSN都會傾吓，大家傾吓傾吓，唔記得講開D咩，佢話：我第一次見你就覺得你好友善，好CHEERFUL，好鐘意同你傾偈，系一群人入面有你，個氣氛會開心好多﹗

我聽到佢咁講，我突然有d傷感。我已經忘記左以前既我系點，其實睇番我以前d blog，都會發覺好多人都覺得我好好傾，但系尼幾年，我收埋左我自己，就連同人傾偈既技能都好似失去左咁，一個人如果對世界任何事任何人都無感覺既時候，同時都會失去同人溝通既能力，因為你已經無野同人分享，亦唔會感受到對方既感覺。

今晚，好似重拾與人溝通既技能，可以好開懷咁同一d陌生人傾計﹗好開心
希望身體既毛病快d好番啦﹗

今年的mission

近日好多人都覺得我浮番上面，多左出席青商活動同攪朋友聚會﹗有D人會誤會我有目的，如為下年選乜選物鋪路又或是為事業﹗但我想講..... 唔系咁呀﹗

其實自從今年一月決定離開舊公司之後，我就同6號仔講，好囉﹗我終於可以有時間見我D朋友LU~過去個3年，工作簡直佔據晒我大部份時間，根本冇時間理我D朋友，由於我大部份朋友都系被動人，我唔攪野，佢地就會收埋，所以我心裏有D愧對佢地架﹗所以我今年好想多D攪朋友聚會，等佢地出多D尼﹗

而另一個Mission系....我要將我所有單身既好朋友踢晒入青商，因為由於本人系青商搵到自己既幸福，所以我都好想我所有單身既朋友都可以盡快搵到佢地幸福，所以近日出席咁多青商活動就系咁解啦﹗因為每一個既需要都唔同，所以要陪佢地每一個去唔同既分會活動，所以真系好攰架﹗不過，為左佢地既終身幸福，我一定會撐落去架﹗

Alex

我同6號仔講，我第日個仔一定要叫Alex。

唔知點解，我一生遇到好多個Alex，而且每一個都對我好好﹗

第一個系我燈公司既同事，佢好鍚我，成日幫我做晒所有野﹗hehe!

第二個系我讀大學時既Finance Professor ALex，好老實講，我系U讀Finance時覺得好困難，但因為鐘意professor Alex講課，所以每一次上佢堂我都霸前一兩行位坐，所以如果佢見唔到我，就會叫咪問我尼左未，好攪笑﹗而且佢知道我對finance有D障礙，所以佢特登系考試前幫我補習﹗真系好感動﹗最後學生都不負老師期望，最後搵到B。(Hehe~) 其實我由細到大都同學校既同學同老師既緣份好薄，畢業後好少會繼續聯絡，但唯獨Alex，我間唔時都會番大學探佢，前年佢太太系美國出左事，我以為佢會結束香港既生活，番美國生活，所以一直都冇再搵佢，前日我心血來潮想睇吓佢系唔系香港，就試吓打佢手提啦﹗點知....通喎~~~~佢一拎起電話未聽我把聲佢就叫得出我個名添呀﹗嘩﹗勁勁勁開心呀~~~~

第三個系星巴克少年Alex，其實我早系荃灣星巴克已經識佢架啦﹗由於本人系星巴克飲既咖啡比較特別，所以你有心要記得我，一定會記得﹗Alex就系會記得我飲咩既人﹗但佢地系會掉去唔同區做野，所以有時會唔見左佢，但有一次我去九龍塘陪爸爸做檢查之前，特登去又一城買咖啡，點知比我遇到佢喎，原來佢系系個間店集合去另一個地方做野，之後當我搬左之後，我每日番工之前都會同六號仔去荔枝角間星巴克買咖啡，點知去左一排，有一日又見番佢，原來佢比人掉左尼荔枝角番工﹗嘩﹗真系好有緣呀﹗但自從我唔洗番荃灣番工之後，就唔可以系荔枝角見到佢lu﹗點知........世事往往難以估計﹗我轉左去銅鑼灣番工之後，我每日都會系禮頓道個間星巴克買咖啡，點知.......有一日......嘩﹗嘩﹗嘩﹗又見到Alex呀呀呀呀呀﹗奇到我都唔可以相信﹗我不禁講左句---撞鬼呀~~~~ 心裏面真系覺得無比開心呀﹗本來個日心情好差，但因為見到老朋友﹗不禁要講多句---YOU BRIGHTEN MY DAY~~ 好野﹗以後又可以唔洗講就有人識沖咖啡比我飲lu.....

所以話尼﹗我同D Alex咁有緣，我將來個仔點可以唔叫Alex呢~~~

老朋友

上年系一個好難過既一年，好忙，好沮喪，所以好少同D朋友見面。

好多朋友都會覺得我舊年系忙拍拖同結婚，但其實..... 系工作令到我失踪。除左好多野做之外，工作上既打擊，令到我害怕見人，成日都想哩埋，唔想見人。久而久之，以前活潑可愛既我唔見左。

近日放下手頭上既工作之後，終於有時間見番D老朋友。近兩日同兩個識左好多年既朋友單獨食飯，傾左好多好多，好感動。大家既感情唔會因為見面少左而改變，以前同佢地每個星期都會見一次，每次都會好多野傾﹗但過去一年，我地一次單獨食飯都冇，又冇傾偈﹗舊年大家都為一D不幸事而忙，我爸爸有時啦﹗另一個朋友家姐有事啦﹗

其實我真系覺得好對唔住我朋友，佢家姐有事系佢最需要人支持既時候，我又玩自閉，我冇出過咩力，我真系好內疚。不過我好開心，佢依家終於放開左，又搵到一個好好既女朋友，我好戥佢開心。

我發覺，人真系要失去過，先識得珍惜自己擁有既野，我同兩位朋友都失去過自己既親人，好感受到家人系幾咁重要，平時大家都話工作好忙，冇時間陪屋企人，但..... 生命系可以系一瞬間失去，所以要珍惜擁有親人既每一日，要好好愛護佢地﹗失去左後悔都冇用。其實人生在世為咩呢？只要可以開開心心生活咁咪得囉﹗以前太過著緊自己既事業，但系都唔開心，咁不如放開D，放多D時間系家人，朋友身上仲好。同佢地兩個傾完偈之後發覺我系一個好需要見到朋友既人，關心朋友會令到我好開心，尼種滿足感系系工作上搵唔到既﹗而且，尼個世上，仲可以有一D知已系咩都講得，真系好難得，好感恩。

好得意既一件事系兩個老朋友不約而且話我變左好多，佢地兩個都覺得我變得隨和同體諒別人，冇以前咁大脾氣﹗其實我開頭唔鐘意自己變成咁架，因為覺得以前既我好似自信心高D，開朗D，好有自己既主見好似型D，依家變得隨和咩都冇所謂好似唔型咁，冇左自己既Character咁，但兩個老朋友都話我依家既改變令我走餘下既路舒服D，起碼會多左人鐘意我。(乜...以前好多人唔妥我既咩???) 如果尼個改變系好既話，我要多謝六號仔既潛移默化先得啦﹗

我真系好希望兩位朋友可以得到幸福﹗希望我地既友誼不變﹗

好味湯

尋晚煮左一個超好味既湯 - 自創 (我個人覺得+六號仔覺得)

冬瓜粒豆腐魚肉湯﹗
其實好簡單，只要將冬瓜同豆腐切粒，再加埋加左葱同芫茜既魚肉同黑椒粒一齊滾，最後加芫茜粒同少少麻油，就可以食得架啦﹗

其實個湯冇咩特別，好味之處系有勁多我最鐘意食既芫茜同黑椒粒﹗個湯有營養又唔肥，我煲一大煲當飯食﹗正﹗

要成日煮先得呀﹗

最愛

尋日搭車經過黃大仙，流左幾滴淚，因為我諗起我麻麻﹗

都差唔多有10年啦﹗我亞麻過身之前，佢系住系黃大仙醫院。我記得我當時仲系讀緊浸大，每日都會去黃大仙同一個細路補習，補完習之後就會去探我亞麻，日日如事，個陣會覺得我都唔知點解要番屋企瞓，因為每晚探完亞麻番到屋企都9點幾10點，第二朝又要番學，都系個頭，所以好晒時間。

我亞麻過身之前佢好辛苦，有兩三次仲話佢唔得，我地要趕去睇佢，我同我亞哥同我當時既男朋友仲系醫院過夜陪住亞麻添，個個場面仲系深深系我個腦海裏面，間唔時，我亞麻會精神D，我地就會好開心，因為覺得佢精神時好得意，如果系星期六，我就會陪佢落去行吓，等佢唔洗成日系張床度，又會幫佢沖涼，剪頭髮，然後就醒盒佢最鐘意既燒鵝飯比佢﹗我望住佢好滿足個樣，我就會好開心。(諗起又開始眼濕濕添....)，個陣D護士醫生都同識得晒我地。其他病人又好似好羨慕我亞麻有咁多人鍚﹗

我近日睇左一套電影叫奇幻逆緣，我真系要推介比大家，當中有一句好有意思，要失去你先會知道咩叫做最愛。我同我亞哥最愛既，都系亞麻﹗

家庭溫暖

我諗每個人都想擁有家庭溫暖，以前爸爸唔系香港，我好少會感到家庭溫暖，好老實講，我媽咪其實系一個好關心別人既人，但由於唔識表達，所以我好少可以系佢身上感受到家庭溫暖，但我爸爸就唔同啦﹗自從佢番左尼香港之後，我次次病呀，有咩事呀﹗佢都會問多我兩句，雖然系好多後生仔女既心目中會覺得尼D 系叫做"煩" ，但對於我尼個由少到大都缺乏父愛既人尼講，煩吓我我會覺得好感動同開心，加上亞姨又退休，長註香港，令到我突然得到雙倍既家庭溫暖。



我亞姨系會打電話尼問我今日尼唔尼我屋企食飯既人，我亞媽從來都唔問我番唔番屋企食飯，所以我覺得好攪笑，好似多左個亞媽咁﹗好溫暖﹗



依家結左婚，當然仲多左好多家庭溫暖啦﹗可能老公系唯一一個仔，所以老爺奶奶都愛屋及烏，好鍚我同愛我﹗奶奶每次打電話比老公，都會問老公我系邊，番左屋企未，我有病既時候，就會打多幾次比老公問我好番未，好溫暖 (但對於老公呢講就系....煩啦﹗嘻)



至於我地屋企既家庭溫暖呢.....嘻嘻....其實我老公每日都會比家庭溫暖比我，每朝早洗完面，隻手好凍，我就會將雙手放系個豬腩上面，一來我可以得到溫暖，二來隻豬就會醒晒，即刻起身番工﹗哈哈﹗夜晚我又會將凍凍既雙腳放系佢雙小腿上面取暖，一日可以得到兩次家庭溫暖﹗幾好﹗哈哈﹗多謝老公比咁多家庭溫暖我﹗

貓貓....

婚禮謝詞全文

今日好多謝各位嘉賓尼臨我同Leo既婚禮﹗
首先，我要多謝我爸爸媽媽，因為佢地為左我為左屋企付出左好多，犧牲左好多，好感激佢地對我無私既愛﹗
我要多謝老爺奶奶﹗好多謝佢地對Leo既養育之恩，同埋咁鍚我，當我一家人咁愛顧﹗
我要多謝我亞姨﹗佢由細到大都當我好似自己親生女咁鍚﹗我做咩佢都百份百支持我﹗
我要多謝我所有親戚，佢地好多都專程系外國番尼出席我既婚禮﹗今次真系好難得，因為我地廿年﹐都未試過所有表兄弟姐妹聚埋一齊。好多謝佢地﹗

最後，我要多謝我老公，其實我平時好少叫佢做Leo，我通常叫佢做"爸爸"，因為佢真系好似我爸爸，咁當然無我爸爸咁型咁靚仔啦﹗但佢每一日都好無微不至、細心咁照顧我，真系好感激佢﹗同佢一齊我覺得好幸福﹗

我仲想系呢度向大家澄清一件事﹐其實識得Leo既人，都好擔心又或者好奇，點解自從Leo同我一齊之後，會瘦左廿幾磅咁多，我想澄清，我一直都有比飽飯Leo食既﹗我向每一位愛LEO既朋友們承諾，結左婚之後，我都會繼續煮好多好野比Leo食既﹗令佢健健康康﹗大家唔洗擔心﹗

以上既一段文字我己經系婚禮前2個月已經諗好，我本想系婚禮上講，但由於比台下既亞姨攪到喊，所以攪到我唔記得晒d台詞﹗我為左唔能夠系台上多謝我老公，而唔開心左兩個星期，到依家都仲系梗梗於懷﹗所以我決定要post台詞既原穚，令所有人知道我要多謝我老公咁愛我﹗

高竇貓貓

我一直以為我系一個好平易近人既女仔，所以當六號仔話開頭覺得我高竇我都反駁佢，仲鬧鬼佢話佢有冇攪錯，不過今日竟然有一個女仔都系咁講。

話說今日同一個新朋友傾偈，其實佢系圈中已經出現左成年，但我冇乜為意佢，今日msn add左佢，開始同佢傾偈，佢話其實一年前一個活動已經認識我，(但我真系諗唔起我系邊度見過佢)，但佢竟然好留意我，仲話其實一直好想同我傾偈，但又覺得我好似好高竇咁，所以一直冇主動去同我傾偈，直至近日我出席一個活動，主動同佢傾偈，佢話佢覺得好開心﹗終於可以同我傾到偈。

哈哈﹗我覺得好攪笑，乜原來有咁多女仔想識我架？hahaha.... 兩年前都有一個女仔咁同我講，話我有種魅力，令到佢好想去結識我﹗嘩﹗(如果佢系男仔咪勁開心...hohoho) 但系我就唔系好明點解我會比人一種高竇既感覺囉﹗不過..... 聽聽吓，又幾鐘意尼個形容詞喎.... 覺得 "高竇"尼個感覺好型呀﹗hehe..... 唔知系咪因為六號仔氹我話 "高竇" 即系矜貴，所以好鐘意人地話我高竇呢？hehe.... 六號仔成鬼日都話我似貓，因為鐘意就理吓佢，冇心情就唔睬佢.... hahhah... 所以佢一唔妥我就叫我貓貓....... 好攪笑﹗

必合心水既禮物

系人都知我系好貴挑剔，好難買到一份我鐘意既禮物，所以每年生日，D朋友都會問我想要咩，instead of 比surprise我，因為佢地知道我個人好鬼麻煩。

由於一開始我就brief六號仔唔好亂咁買禮物比我，所以佢好少自己去揀一樣送比我，多數都系問我要咩就買比我，好多人都覺得我唔浪漫，但我寧願唔浪漫都唔想浪費囉﹗買左又唔啱，但人家送既，你又唔可以唔收及唔用，所以最後都會hae左系屋企兩三年都唔可以見光。

但近日由於要過大禮，令到我諗到一個一定啱心水既送禮物方法。傳統過大禮有好多野，但好多野都系冇用同唔等洗既，所以我同亞媽提議用錢去解決，就系將D錢放入一個利是封，然後系背面寫上所有要送既物品，就當系一份過大禮既禮物啦﹗HAHA.... 幾方便﹗又唔洗浪費喎，幾好....

所以尼，我決定用以上方法去處理我既禮物問題，我同六號仔講，第日如果佢想送禮物比我，就將同個份禮物同等價值既錢，放入一個信封比我，背面寫上想送比我既禮物名稱，如果系我想要既野，我就會用信封既錢去買，如果個樣野唔系我想要既，就當做系現金奬，嘩﹗尼個方法系咪勁正呢？咁一定百發百中呀﹗HEHEH....

聖誕禮物

唔同年齡會做唔同既野，以前細個，聖誕就會買禮物比自己或者比朋友，但今年好唔同，今年買左5份禮物都系bb既禮物。



隨著年齡增長，朋友紛紛結婚生仔，已經有三個朋友生左小朋友，我當然要做聖誕老人，買份禮物比BB啦﹗雖然有3個一歲都唔夠，都唔知禮物系咩，但買禮物既時候，都Assume佢地會鐘意....hahah... 至少，我同佢地老豆媽咪都鐘意，我買既時候仲發覺到買禮物比人，仲開心過自己買野比自己，而且更捨得花錢，我一路都好鐘意睇bb野，因為覺得d野好鬼死得意，尤其系d衫仔，雖然件衫仔既壽命只得6個月(佢地系份0-6個月，7-12個月.....咁架)，但系見到佢地d衫上面有頂帽加埋對耳仔......幻想個bb著左似poohpooh咁可愛，所有大人都爭廂同佢影相就覺得件衫超值啦﹗



另一份系牛仔帽加一對牛手套，都好cute架。



另一份系送比一個差唔到兩歲既小朋支，我地都諗左好耐但都唔知買咩， 悶人六號仔提議買Thomas書券，我都費事埋佢,,,,,,,小朋友遲早都要讀書架啦﹗依家襯唔洗讀書，梗系要玩番夠本啦﹗所以最後.... hehe... 我揀左一份又好玩又可以比佢學習既Thomas數學車車，車頭系Thomas火車，未學習前就玩住火車頭先，到番學啦，就玩埋有教數學既火車卡，勁呀﹗一舉兩得﹗Thomas d野真系幾得﹗hahah

老實講呀﹗其實D BB野真系唔平，細細忽布，但仲貴過D大人衫，但我就好捨得喎，反而自己就冇乜買到野比自己，六號仔陪我行街，成日叫我買下野比自己，因為佢覺得我太耐冇買野比自己，淨系買野比佢同D BB..... heheh... 其實佢唔系好了解我，我其實唔系一個女人，我唔多fancy靚衫既，行街都系好有目的先去行，而且本人又挑剔，所以好多時都系行多過買，連我老闆都話我系一個男人，冇用途既就唔會買。

我都好欣賞自己系一個應洗得洗既人，我會洗好大舊錢去買一D可以令自己或身邊既人健康既野，但衫，好平都可以著得好靚，所以.... 買一D平實Kam興既就得啦﹗hehe....

內疚

每一年會慶，各地既姐妹會都會尼香港參加我地既會慶，佢地週年紀念，我地都會過去參加，有一年，我同糖糖同sansan去台灣參加姐妹會既會慶，佢地好熱情咁招待，所有野都唔洗我地比錢，又全情跟住我地照顧我地，好好，之後我地三人stay behind去阿里山玩，亞會長每日打三四次電話尼關心我地起居飲食，真系好感動。

其實我每一次都好想回報番佢地，但每次佢地尼香港都系我全年最忙既時間，系人都知，我D老細每年十月都尼齊晒參加啡牙架啦﹗每日都要陪住佢地見廠，同客食飯，根本冇時間可以陪到佢地去玩，尤其是今年，我真系好內疚，見到佢地，我連同佢地傾計都冇，我真系好內疚，唔知系咪好耐都冇應酬，好多時，見到D陌生人都唔知講咩好，本來唔系唔想講，但唔知講乜，就攪到個人好似好冷漠咁，最後.... 我都系冇主動行去同佢地傾計，其實我真系好內疚。

唉~ 其實..... 我系度諗，我都系一個好怕欠左人既人。

溫總說.....................

一個民族在災難中失去的，總會由進步來補償

荔枝角的星巴克少女

系人都知，我系一個星巴克迷，一有頭暈身(慶)，一杯就攪掂晒。

六號仔本來唔系好飲咖啡，但由於長期受到本人既薰陶，佢依家己經睇唔起公司既即沖咖啡，咀刁到爆。但系由於佢身體既特別構造，唔飲得太多，所以平時，我會叫一杯大，然後分少少比佢，我地平時會光顧荔枝角嗰間既星巴克(不定日，有時一星期一次，有時兩星期一次)，但我每次都系叫, 即系Tall size+Double Shot+ 2% Whole Milk+98% Slim Milk 既Latte..... (系咪好Liu Lang呢)，然後每一次都會叫佢比一個細杯同一個紙袋比我，我要分比六號仔嘛﹗

唔系系唔系就系因為我叫得特別、要求又多多，前日再去既時候，嗰個沖咖啡既少女沖完咖啡比我之後，我都未開口問佢，佢已經遞上細杯及紙袋各一個，真系好驚喜呀﹗

真系好愛星巴克呀~~~~~ 抵我咁愛佢既~~ 嘻

後記：我以為淨系得荔枝角嗰間咁醒啫，點知，我個日去愉景新城嗰間星巴克，我真系好少去，兩星期先去一次﹐但我嗰一行埋去個counter，佢已經問我系咪照舊Double xxxx...，星巴克人既記性真系好呀~~~~~~~

地球無啦

近日D天氣，好似世界末日咁，呼吸都有困難，天色又暗又灰，一出門口就想死咁﹗

上星期六睇左WALL E，真系一套好有意思既戲，地球太多垃圾，空氣質素差到唔可以住人，所有地球人都要搬到外太空住，但系就好似費人咁，行都唔識行，唉﹗

其實有因必有果，如果唔系人類浪費資源，不段破壞地球生態，又點會咁呀﹗好似前幾日，我個同事話去左打邊爐，好老實講，我真系覺得好過份，大熱天時去打邊爐，開行冷氣，我好記得以前新紮師兄，梁朝偉撞上去佢老豆屋企，發現佢地大熱天時打邊爐，然後話佢老豆好折墮。我都好覺得，如果人人都為左過份享受而不斷破壞，真系後果嚴重。

奇妙的友誼

今日收到我一個中學同學的電話，其實一睇到個來電顯示已經覺得有唔妥，因為尼個朋友系十年都唔打一次比我，佢打尼，我第一句就問佢：結緍啦？，果然不出我所料，佢會系今年十一月結婚，以我地尼個年紀既人，朋友結婚唔系好出奇，奇就奇在佢叫我幫佢手攪結婚既嘢 。

我地系中六七既同學，佢當時同我另一個好朋友兼同學拍拖，我個好朋友當年患左地中海貧血症，成日都出入醫院，本來系一個樣貌娟好既女仔，但由於藥物關系，令到佢手腫面腫，又成日都系死亡邊沿，但佢依然對我好朋友不離不棄，日夜相陪，所以我覺得佢系一個好重情義、好專一既男人，但之後我朋友有第三者，佢地分開左，佢因工作就認識左佢依家既未婚妻，拍左拖大大話話都有十年lu，其實咁多年尼，我地好少聯絡，我諗一年都冇一次，但每次有同學結婚就會見到囉，佢未婚妻，我都系系條街度見過一次咁大把，所以我都唔系好明點解佢叫我幫佢攪個wedding。

但我一口就應承左佢囉，其實同佢既友誼系好奇妙，好似好兄弟咁，就算平時唔搵，但大家有事就立即出手幫忙咁囉，大家心裏面都系關心對方，對對方有感情。重情重義個隻呱。

亞六號仔話記得我曾經做過一個心理測驗，話我系一個成日要幫人既人，因為D朋友事無大小都會搵我，叫我幫手或比意見。其實我都己經唔記得左尼個測驗，但如果系真既話，我都好願意接受，因為博學既人先會多被人詢問既嘛﹗嘻~~

嘩﹗咁我十一月勁唔得閒LU，佢又結，我表妹又結。點解仲未輪到我既？慘慘~~

黑與白

今朝睇到劉若英一個專訪，有一段系咁講既：

如果我不夠聰明，沒辦法找出中間色，那我就回到黑白，只選擇喜歡我的一邊，另一邊你要討厭我，也沒辦法，我不可能取悅每一個人。

哈﹗我由細到大，每一個朋友都話我只系識得分黑與白，從來都唔會有灰色，我今日睇到尼一段文字，覺得好攪笑，.......原來.....我一早就知道自己唔系一個聰明人﹗哈﹗

我鐘意一個人，就十分鐘意，唔鐘意，一句野都唔想同佢講，做到灰色對我尼講太難﹗太假﹗我太蠢，學極都學唔識﹗希望缺少尼個技能，都仲可以活系尼個假既世界上面啦﹗

成仙？

尋日，好似全部英國人都M到咁，個個都亂發脾氣，無理取鬧咁。

但.....唔知點解，我尋日出奇地異常心境平靜，以前，如果遇到D無理取鬧，好RUDE既EMAIL，我會即時反擊，又或者展開EMAIL駡戰，但我近日發現，我情緒改善左好多，人地發爛渣，我不但無唔開心或勁嬲，反而好平心靜氣搵齊晒所有資料，有理據咁同你討論(EMAIL既STYLE系大家商議既形式，而唔系以前好DEFENSIVE既回覆)，尋日個個英國人都發，但我一個又一個咁傾，最後解決左。解決左之後，又無話特別開心喎。又系好平靜咁話比六號仔聽，六號仔就話我已經成仙。

其實依家諗番，我真系無以前情緒起伏得咁大，好多野都抱平常心，做到就做，結果唔好，都唔會好唔開心，我諗我既改變，好大原因系因為六號仔，佢系一個與世無爭既人，佢亦唔會強求得到任何野，佢令我由一個咩都要爭勝既三號仔，變成一個隨遇而安既人，令我心境平靜左好多。真系好﹗嘻

男人四十

我有一個朋友，他已連過四十，有一名妻子及一個女。
我識左佢好多年，今年覺得佢老左。
以前，他自信、開心。但今年覺得佢失去自信，沉靜左。
佢變得在意自己既身體變化，頭髮少了，有大肚腩，時常嚷著要減肥，面上失去左自信，失去活力。時常沒精打彩咁，而且每次見到後生的人，都會話後生真好。

我見住佢變，唔明佢點解要咁介意，可能自信既人，接受唔到自己老，接受唔到自己既變化。我都驚，因為我系一個好容易失去自信既人。

悠長假期

放左好耐假lu......

自從同亞哥反左面之後，我就冇再理屋企既事，從前屋企大小事項都系我一個人做晒，聯絡人啦，喜慶事項安排啦，所有文件事項啦，屋企大小電器維修啦 (安排師父上尼整啫，唔系我自己整) ..... 咩都系我，近尼幾個月，我掂都冇掂過。

青商又冇乜啦....

朋友聚會- 近尼幾個月，只系做參加者，唔會做聯絡人或攪手，只系靜靜參加，唔滿意都冇怨言，因為唔系自己攪就唔好比咁多意見，但好樂於做一個參加者。

而男朋友呢..... 以前我自稱系一個獨立女性，所以成日都自己照顧自己，加上要求又高，連男朋友既野都要照顧埋..... 所以成日都覺得自己命苦，好忙好辛苦咁，依家..... 男朋友唔鐘意我獨立，死都要照顧我..... 咁唯有享福，咩都唔做，齋煮飯。

近日諗番，其實辛唔辛苦，系睇自己既做化，以前我要求太高，見人地做得唔好，就不如自己做番，唔洗等唔洗煩，所以攪到咩都攬晒上身，好辛苦。

依家，放手比人攪，唔會對別人要求咁高，所以可以安心交比人做，自己就多左好多時間享受生活。真好﹗

多謝梁生﹗多謝亞Mer、何太、亞田、糖糖﹗

多謝IPP

前日IPP嘟我問我第二日下晝會唔會番公司，佢咁問，我就知我第二日會有好野食啦﹗嘻

點知，我第二日下晝突然間要出去開會，咁我咪叫D同事如果收到禮物，就打開尼食啦﹗我驚系一D要即時食既食物，咁費事留過夜嘛﹗點知，IPP6點打尼問我食左未，我話唔好意思，我出左去開會，已經叫左D同事食架啦﹗點知，佢話比我聽系朱古力，我即時喊..... 我最鐘意食既朱古力呀~~~~~ 激死呀﹗不過好彩仲有支果占，我諗佢地會留比我呱。

誰不知......好攪笑好攪笑.... 第二日我問D同事，佢地話：我地食左啦﹗不過我地已經幫你影左相啦﹗SEND番比你呀" hahahha... 勁攪笑呀﹗因為亞秘書小姐知道我平時一收禮物就會影相，所以佢今次好醒目幫我影埋。我覺得好攪笑囉﹗嘻﹗

多謝IPP，你D朱古力真系超好味呀﹗仲有呀﹗我上星期日已經用左你既果占搽面包啦﹗好好味呀﹗多謝你﹗^.^

好感動

今日收到一封利是

3號仔vs6號仔

前日去完朋友聚會之後，番到屋企就同6號仔傾偈，佢同我傾佢公司既野，我就同佢傾我屋企既野，我發覺，大家真系可以互補不足。
3號人系咩都要做到最好，様様野都要贏，唔輸得，6號仔唔系識左我好耐，但佢問左一個問題，令我覺得佢觀察力真系好勁，佢問我：你系咪一系選擇擁有全部，一系選擇咩都唔要既人，我好驚訝點解佢會睇得出，我系一個無灰色地帶既人，一系鐘意，一系唔鐘意，一系好愛你，一系就好唔妥你，其實以前仲愛恨分明呀﹗近年經歷多左，已經好左好多架啦﹗佢就提議我嘗試中庸D，唔洗一定要做到最好，做Average就得，咁個人會舒服D。我聽完之後都覺得好啱。
而6號仔尼，佢好安首本份，唔會揚自己做左幾多野，所以令到佢成日都系死做，無人知佢做左好多好多，而我就提議佢高調D，要學習吓表現自己，唔知佢會唔會聽，但好明顯，大家既性格可以互相補足。
其實真系架，好似我平時唔會諗得太周詳，行動彭彭聲，咁6號你就會做我強大Back-up，做足功課，諗定晒最壞時要點處理，搵晒所有資料，而6號最不安時最拿唔定主意既時候，有3號仔為佢出面及做決定。幾好﹗

近期至愛...

超好聽呀~~~~~~~

得意既發現

前幾日，同梁生系星巴克飲咖啡傾計，我地睇左一本雜誌，做左一個心理測驗，結果發現，我系火型人，我唔系好記得全部既火型人特質，只系記得佢話火型人既自我肯定既意識系4種人之中最強，遇到問題，就好直接解決...... 等等，睇過之後我覺得大部份都啱，有D我唔系好肯定，就同梁生研究吓啦﹗佢竟然比到D好得意既見解比我。

佢其實識左我唔系好耐，又只系見過我D朋友一兩次，但佢竟然話..... 我個個朋友都好遷就我。我系要人遷就既人。

好老實講，我知我系要人遷就，不過只限於男朋友，我一直都覺得我永遠都系遷就人個個(系朋友群同家人之中)，永遠都系最受苦個個，但佢竟然覺得我個個朋友都好就我。我冇覺得嬲，反而好有興趣聽吓佢講點解，佢話每次我提出意見或決定，我D朋友通常都會跟隨或願意依照我既意見去做，其實我唔發覺架﹗因為我只會覺得，我每次提出既意見或作出既決定，都系為大局著想又或是一個比較完美既決定(合大家既心意)，所以先得到大部份人既認同，我冇諗過其實系佢地要遷就我而去做喎，而且好老實講，系我方面諗，其實有時好多決定，都唔系我心裏面所鐘意既，不過為左朋友或家人開心，我先會提出一個合乎大家心意既決定，所以我一直都唔覺得系人地遷就緊我，反而系我遷就緊所有人。

不過梁生話，好多時，因為我D朋友冇乜所謂，所以佢地唔會覺得我系霸道，反而系要我尼D人為佢地渣主意，爭取權益佢，要系火型人先可以做到LEADER喎。

聽完佢咁講之後，我冇唔開心 (因為好似講到我系好霸道，好專橫咁)，我反而系尼幾日不段自省，原因系..... 我之前同我亞哥鬧交，佢都有提過，話全家人都好就我，我當時當然系反擊啦﹗我唔承認尼點，因為我覺得我系系度遷就緊所有人，我依家諗諗吓，發覺可能大家對遷就既定義有唔同既註釋，大家自以為做左好多遷就緊對方既事。

不過既然連梁生識我日子咁短都發現，而且我亞哥又咁講，一個又系咁講，兩個又系咁講，咁我諗我要好好反省，而且梁生仲話我系一個要環境去遷就我既人，我覺得自己好危險，因為唔適應環境，好容易被淘汰，除非我自己本身既Bargaining Power超勁啦﹗所以我一定要迫自己一系學習去改變自己去適應環境，一系就增強自己既Bargaining Power。

我諗後者會令我開心D。=P

PS：朋友們，如果你地對我不滿，一定要直接D話我知，我系一個接受意見及會反省既人。我好珍惜大家相識既緣份。

感謝上天

系我既朋友都知道，我系一個好重視家庭既人，但偏偏因為一個人而令到我同屋企既關係變得非常惡劣，我真系好心痛，好唔開心。

家庭系可以影響我心情影響得好緊要，所以近日好多朋友都好擔心我。我好感謝佢地。

我仲要感謝上天比我系尼段期間遇到梁先生，佢除左好鍚好鍚我之外，仲比左個屋企我，佢既屋企人又好鍚我，令我有番家庭溫暖。多謝你梁先生。

我系我

近幾個月，同亞哥鬧翻，好唔開心好唔開心，影響到我同我同爸爸媽咪既關係，好心痛，連好多年都冇復發既偏頭痛都出番尼，真系好慘，盡量都唔會同朋友傾，因為我一講，我D眼淚就好似缺堤咁，系咁流，又會即時頭痛，好辛苦。

我每一日番屋企都好辛苦，識得我既人都知，我系一個唔假得既人，我唔鐘意你，我唔可以對住你笑笑口，仲要同你有講有笑，我真系做唔到，所以我知我一定唔會成功，因為我唔識得假，我依家每一日番屋企都有hesitation，因為我唔想見到我亞哥，但系入屋叫人系一定要做既禮貌，所以每日番到去都千個萬個唔願要叫佢，好辛苦。

你可以話我唔成熟，可以話我蠢，但系我就系我，如果我系識得假，我唔知我仲會唔會有咁多真心既朋友，會唔會有咁多人鍚我，每件事都會有兩面，我唔識得假，所以我事業唔會成功，又唔識玩人事﹐但系起碼我做每一件事都對得住自己，起碼我知道鍚我既人就真系真心鍚我，我唔需要去猜度每一個人個心系度諗咩，個人會過得舒服D。

PS：我完全接受唔到一個人對父母唔好，自私自利而唔承認自己既惡行。

好感動

2008年1月6日零晨收到一套鎖匙
好幸福呀~~~ 多謝你呀~梁先生~~

其實我冇諗過咁快會有尼套鎖匙架﹗一個月左喎，點知，問你既時候，你仲話其實一早已經想比我添﹗只系怕嚇親我，先忍住唔比，好攪笑囉﹗

好啦﹗為左答謝你對我咁好，我努力煮多D野比你食啦﹗嘻~~
(日日都系長通粉啦~~~ 呵呵呵呵~~)

離開的時候

前晚同前度男朋友食飯，其實每一次食飯都會傾到佢同佢依家個女朋友既事﹐好老實講，每次傾完尼個話題，我都會好慶幸當時我所作出既決定。

其實好難得佢可以同一個女仔一齊超過三年，我當年系咁無為而治都只系可以捱到一年半，所以我不得不佩服佢依家個女朋友，我成日都聽到佢地鬧交，鬧分手，個女朋友又要嬲又要發脾氣、但系之後得到既只系迫到男朋友時常提出分手，然後女朋友要反氹番個男朋友，乞求他唔好同佢分手，何必呢......... 可能我真系面皮薄啦﹗我真系做唔到。

我次次都問佢：點解你唔同你女朋友分手呢？我記得我由第一年問佢，問到今年... 足足三年就尼四年，佢今次比我既答案系，佢跟左我咁多年，依家好難飛到佢。..............唉﹗簡直見者傷心，聽者留淚。佢唔系答我仲愛佢.... 而系責任要一齊。

我同佢對愛情處理方法真系好唔同，佢覺得我變態，但我覺得佢冷血。

我唔鐘意拖拖拉拉，當大家一齊之後，發覺唔會有將來既話，我會選擇放棄、離開一個可能我仲心愛既人。因為我害怕互相撕殺既情況。好似佢咁，成日都同女朋友鬧交，成日都鬧分手，其實每次都好傷，但傷心過後又系番埋一齊，跟住又鬧過.....根本大家就系度互相折磨，點解要咁呢？我寧願大家仲未至於變成仇人之前離開，將來大家仲可以做回朋友咁咪仲好。

佢冇左你唔會世界沒日，只會得到新生。你大慈大悲，放過人啦﹗

珠海溫泉之旅(24~25/11)

其實去旅行，開心與否，系好取決於你既心情同埋同行既人。

以前，同我去旅行會好煩，我系一個勞蘇王，又加上有潔廦，去旅行時，我會嫌尼樣嫌個樣，又唔玩尼樣，唔理個樣，所以以前同我去旅行既朋友真系好慘慘，但唔知點解，近尼兩三次去旅行，好左好多喎，上星期去左珠海玩，其實以前何生何太已經要請過我去架啦﹗但因為要搭船，所以我次次都婉拒，但今次我"括"左出去，跟住又勁食，唔鐘意揼骨又一齊去。第二日浸溫泉，其實好怕系大陸浸，因為怕污漕，但又去喎，仲玩得好開心添，其實去旅行真系好睇自己當時既心情，當時只系想玩，咩都唔想理，加上同一D自己鐘意既攪笑朋友一齊去，所以都幾難唔開心既。 =)

多謝你

好多謝你一直系我身邊陪住我，幫我﹗冇左你，我都唔知點算﹗好感激你﹗

欠人

我諗我都系對人好D，唔好斤斤計較﹗因為我發覺，我好怕欠人﹗我寧願人地欠我，好過我欠人，欠左人就周身唔舒服﹗

都唔知為乜

唉! 今次真系自己攞尼衰，之前個朋友話想攪一個project，但系佢唔可以出名攪，所以搵左我做chairman，本來我已經唔想去，仲要我攪埋，唉﹗算啦﹗朋友叫到，應承左。點知就"lai"野啦﹗

我公司勁多野煩﹐又忙都嘔電，但系仲要做晒所有野，仲要被人逼我交功課，which is我最憎，最唔開心系，個朋友又冇乜點幫我，even佢系負責本booklet，都系好求祈，我真系對佢有少少失望，當初系佢話要做個project，我當時已經同佢講，我10月會好忙，到時要佢攪，佢話冇問題，點知，依家佢又轉左工，佢自己又忙，就唔理尼壇野，攪本booklet又好多野錯喎﹐每次"吹"佢交穚，佢都好似好唔願意，好似我逼緊佢咁，唉﹗你已經淨系做本booklet咋，我又要出n 個email，又要幫所有人攪機票、酒店，盤數...... 幾多煩野攪呀﹗仲要受你既語氣..... 我真系覺得好難受，我自己份工都好忙架，...... 依家就系你出個draft出得遲又多野錯，攪到唔夠時間改，攪到我依家零晨兩點都唔瞓得，要同designer對穚，唉!!!! 真系好想喊﹗suppose負責booklet個個就系對穚個個，點解個個又系我呢？

我愈來愈唔鐘意尼個organization，平時做野已經好辛苦，依家仲要攪到自己冇得瞓，真系唔知為乜。真系好想quit。