悠長假期

放左好耐假lu......

自從同亞哥反左面之後，我就冇再理屋企既事，從前屋企大小事項都系我一個人做晒，聯絡人啦，喜慶事項安排啦，所有文件事項啦，屋企大小電器維修啦 (安排師父上尼整啫，唔系我自己整) ..... 咩都系我，近尼幾個月，我掂都冇掂過。

青商又冇乜啦....

朋友聚會- 近尼幾個月，只系做參加者，唔會做聯絡人或攪手，只系靜靜參加，唔滿意都冇怨言，因為唔系自己攪就唔好比咁多意見，但好樂於做一個參加者。

而男朋友呢..... 以前我自稱系一個獨立女性，所以成日都自己照顧自己，加上要求又高，連男朋友既野都要照顧埋..... 所以成日都覺得自己命苦，好忙好辛苦咁，依家..... 男朋友唔鐘意我獨立，死都要照顧我..... 咁唯有享福，咩都唔做，齋煮飯。

近日諗番，其實辛唔辛苦，系睇自己既做化，以前我要求太高，見人地做得唔好，就不如自己做番，唔洗等唔洗煩，所以攪到咩都攬晒上身，好辛苦。

依家，放手比人攪，唔會對別人要求咁高，所以可以安心交比人做，自己就多左好多時間享受生活。真好﹗

多謝梁生﹗多謝亞Mer、何太、亞田、糖糖﹗