荔枝角的星巴克少女

系人都知，我系一個星巴克迷，一有頭暈身(慶)，一杯就攪掂晒。

六號仔本來唔系好飲咖啡，但由於長期受到本人既薰陶，佢依家己經睇唔起公司既即沖咖啡，咀刁到爆。但系由於佢身體既特別構造，唔飲得太多，所以平時，我會叫一杯大，然後分少少比佢，我地平時會光顧荔枝角嗰間既星巴克(不定日，有時一星期一次，有時兩星期一次)，但我每次都系叫, 即系Tall size+Double Shot+ 2% Whole Milk+98% Slim Milk 既Latte..... (系咪好Liu Lang呢)，然後每一次都會叫佢比一個細杯同一個紙袋比我，我要分比六號仔嘛﹗

唔系系唔系就系因為我叫得特別、要求又多多，前日再去既時候，嗰個沖咖啡既少女沖完咖啡比我之後，我都未開口問佢，佢已經遞上細杯及紙袋各一個，真系好驚喜呀﹗

真系好愛星巴克呀~~~~~ 抵我咁愛佢既~~ 嘻

後記：我以為淨系得荔枝角嗰間咁醒啫，點知，我個日去愉景新城嗰間星巴克，我真系好少去，兩星期先去一次﹐但我嗰一行埋去個counter，佢已經問我系咪照舊Double xxxx...，星巴克人既記性真系好呀~~~~~~~