一碗面

我雖然肥，但其實我食量唔系好多，平時一個早餐，餐蛋丁，我會將大半個面比左我身邊個個人食，我淨系會飲晒D湯，Hehe，今朝留系屋企，唔想落街食，咁我就自己系屋企煮，食左少少已經飽，平時會有人包底，今日冇左個個人，攪到要倒左半個面。..... 下次都系唔好自己食面啦﹗

爸爸入院的啟事

掛8號風球個日既中午，接到媽咪既電話，話老豆胃出血，去左醫院，叫我即刻去醫院，唉﹗我一直以尼既惡夢終於出現啦﹗因為我爸爸系冇買到醫療保險既，佢番尼香港既時候，我已經好想幫佢買一份架啦﹗但因為佢已經過左65歲，所以買唔到，唉﹗所以我一直都好驚佢會入醫院，依家D醫院費真系貴到可以令你破產咁濟架嘛﹗唉﹗冇計......
接到電話之後，我就彭彭聲放低手頭上既工作，飛的去養和睇爸爸啦﹗唉﹗個日真系好鬼麻煩，因為就尼打8號風球，D電話打極都打唔到，激到爆血管咁濟，我已經揀行西隧架啦﹗點知行行吓已經打8號風球，D人瘋狂咁走，攪到條告士打道塞爆，攪到搭左成$245的士，肉到尺埋。去到養和，又冇房喎，要等，我就問打電話比個醫生啦﹗問佢可唔可以唔系香港尼一邊呀﹗我地住系新界，吓吓過尼好煩，但個死人林X津醫生話，佢只去兩間醫院，一系養和一系就ST.PAUL, 我就彭彭聲打電話去ST PAUL 啦﹗有位喎，但要醫生訂房，咁我咪打去叫佢訂囉，佢個死野，又話叫我系養和等下先，因為佢有病人系養和，ST PAUL個邊唔方便，嘩﹗我聽到之後真系好想用粗口鬧佢，喂﹗依家你病人有事定你有事呀﹗因為唔方便你，就要死系度等，不如等到死左你先尼醫呀﹗激得我呀﹗身為一個醫生，吓吓為左自己而唔顧病人既感受，根本冇資格做醫生。
後來，真系冇房，佢先打電話叫我地入ST PAUL., 但系由於已經系8號風球，好多的士已經落旗唔接客，我地等左好耐，最後，我行左落下截的士，截來截去都冇的士理我，最後，我真系好似人地做戲咁，衝出馬路截停架的士，然後"蟻"個的士司機車我爸爸。好彩個的士司機都好人，肯睬我，終於可以到達醫院。

經過尼一次之後，我真系覺得
1. 由細到大就要買醫療保險，人好化學，唔知幾時需要，真系要有個保障先得。
2. 要生仔，本來我都冇咁強烈要生仔，但系今次之後，我覺得一定要生囉，因為無論一個老人家，佢地後生既時候幾精明，到老有事既時候，個人就會變得好旁惶，唔知點做好，有仔女系身邊會好D。
3. 打風好煩，以前會好鐘意打風，因為可以放假，但依家超級唔鐘意，因為今日做唔到既野，第二你咪又系要做，仲積積埋埋添，第二日仲做死你，所以真系好唔鐘意打風，而且又要焗住留系屋企，冇野做﹐悶到嘔。所以都系唔好攪我啦﹗

全部擁有

好耐之前已經聽過尼個問題，如果有兩個男人，一個搵好多錢，但只會比幾個%比你，但另一個搵好少錢，但佢願意比晒佢所有既錢比你，你會點揀？好多女仔都會答，更系第一個啦﹗雖然幾個%，但都多過第二個既全部啦﹗

但我無論系任何一個年齡，我個答案都系一樣，我會揀後者，我承認，我系一個霸道既人，如果個個人唔系我全部擁有，我會寧願放棄，從沒有變過。

睇左今期既AMY雜誌介紹處女座，佢話處女座為伴侶可以付出好多好多，真的甚至到忘我境界，我諗就系因為我可以為我另一半付出全部，所以我會要求擁有對方的全部。好公平啫﹗

"所有野都唔屬於我唔緊要，只要你屬於我就得啦﹗" 好感動﹗多謝你﹗