做得好唔開心好唔開心

唔想再番工﹗好辛苦﹗喊左成晚﹗

我可解決﹗你可以嗎？

近日個會發生好多事，令到好多人對個會好多負面既睇法，我覺得好唔健康，而且我三個朋友都系個BOD度，我又點可以睇住佢地死呢，所以我主動續個續個打電話比佢地，同佢地傾吓，了解吓佢地發生咩問題，之後再將佢地對個會既誤解再同IPP傾，原來大家對大家有好多誤會，其實尼D事﹐系應該一早去解決，唔系拖得就拖，咁系唔得架﹗唉﹗我都唔明白D人，點解永遠都唔會系個問題未達至嚴重級別之前去解決，永遠都要拖到冇可再拖，個問題爆煲冇得救先郁一郁... 埋怨、後每呢？

好老實話，我真系好憎尼D人，自己根本冇努力過，就話唔得，又唔去救人幫手，又要面子，錯咪錯囉，最緊要系唔好再犯，但系依家D年青人，真系唔系好明佢地諗乜，唔願意去面對，去解決，真系唔知佢想點。

好老實講，Suppose我系唔應該插手，我系應該咩都唔知，但系我知道左又唔可以就手旁觀，咁唯有出手啦﹗同佢地傾完之後，佢地個個都開心左，不過由於時間問題，只可以解決左部份，我自己近日都勁忙，所以要老細走左先再跟進，但系起碼大家都行左第一步，停止左個問題、裂痕再加深，我覺得已經好好。

我好興幸，每個人都好聽我話，乖乖聽我講，跟住我比佢地既guideline去個，我唔系話我既方法系最好，但系起碼我可以幫你地諗得透徹d，一個會，系team work，唔系一個人做晒，你唔同人傾，永遠都走唔出個洞。我亦都系一個聽人意見,既人，我就系收集好多唔同意見，先可以諗得通d。各位朋友，如果你地攪唔掂d野，就唔好浪費時間一味自己諗自己做，不如走出去，聽吓人意見，咁仲可以快d解決到個問題。

Effective Chairmanship

系青商兩年幾，年年leadship development都會有一個training/seminar，就系chairmanship，系教大家點樣做一個好既chairman，點樣去hold一個會先effective and efficient，好老實講，我兩年幾以尼都冇上到尼個training，其實年年都好想上，但系唔知點樣，次次d時間都唔啱，上唔到，不過，原來..... 我唔上，都可以有effective chairmanship架﹗哈哈哈哈﹗

尋晚開evaluation，advisor提左兩次，話今次個Project咁成功，除左個個都好盡力之外，亦系因為有effective既chairmanship，令到個project可以每樣事都可以on schedule 做好，而且每次開會都可以within 1個鐘頭之內完成，系一個非常好既effective chairmanship既例子。

真系好開心好開心，好老實講，我個人好怕磨爛"隻"，開會時費話少講，(攪吓笑，攪吓氣氛例外 =p) ，開會之前一定要睇定晒d資料，諗定要講d咩做d咩，唔好開會時先去諗，浪費別人時間之餘又浪費自己時間。我記得舊年，真系慘慘，每個月開一次會，但次次都開到十二點幾，我家離開會場地鬼死咁遠，番到屋企沖埋涼，要成2點先可以瞓，唉﹗ 又唔想唔負責任唔去喎，但系又明知會攪到好夜，所以次次都好掙扎，去唔去好呢﹗.......

所以如果我做chairman既話，我一定唔會咁囉，因為我真系想快d番屋企休息，有時間淨，都寧願大家坐低傾吓計好過啦﹗咁先會令到一個會員對個會有興趣，唔系淨系做，仲可以識吓朋友仔，同朋友傾吓計，咁先得架嘛﹗如果次次都攪到咁，d新會員咪覺得好辛苦，咪唔想入會囉。

希望今次我比到個好印象個PM，可以令到佢對做PROJECT同對個會都有興趣啦﹗佢真系做得好好，系我地個會既未來楝樑呢架﹗我要好好"臭"住呢個PM先得﹗