失眠

唉﹗一做番商會D野就失眠啦﹗真系唔掂呀﹗足足失眠左5日呀﹗晚晚3點幾4點先瞓到，8點就要起身做野，再系咁落去都唔知點算。
本來今年決定左唔再做咁多商會野，但.... 衰心軟囉... 眼見冇人幫手，就自告奮勇答應做chairman，其實我開始發覺我對個會系有感情，見到依家一"pat"野咁，好嬲，好唔開心，好想將個會攪好佢，但系又唔到我控制，因為我已經唔系BOD，唉.... 唯有淨系幫個三個妹妹啦﹗其中一個系我建議佢入BOD既，我無理由見住佢死都唔幫佢架嘛﹗另外兩個都新，唔幫又於心不忍。
我唔系想話我好叻咩都做到，只系....我唔做，又有咩人會做呀﹗同埋..... 可以以我既人面.....叫吓某D人幫吓手嘛﹗hehe...

快D解決失眠呀.............如果唔系........ 下星期老細尼會死人架﹗

<翻生侏羅館> 好好睇呀﹗勁攪笑呀﹗=)

心痛

今日胡太再次入院，冇錯，系再次，佢系新年前病左成個月，發燒發左好耐，所以入醫院，今次，佢無端端系條街度跌倒，跌親條腰，第十一節腰裂左，當時我同爸爸都系屋企，如果唔系佢個朋友個朋友打電話尼話系條街到見到佢跌親，我亞媽都唔打電話番尼，我同爸爸立即去醫院搵佢，見到佢個一刻，我好心痛，因為見佢好辛苦，好痛，郁都唔郁得，我心痛到喊左出尼，仲痛過自己病，所以我真系好想我身邊每一個人身體健康，因為佢地辛苦既同時，我都會好心痛。

我真系覺得我媽咪好慘，連續兩個月都要入醫院，佢個人都DOWN晒，心靈都受到打擊，因為佢會覺得自己愈來愈老，愈來愈鈍，愈來愈覺得自己無用，好唔開心，我唔想見到佢咁呀﹗=(

PS：各位朋友，你地要好好照顧同關心你地既長輩呀﹗子欲養兒親不在，就後悔莫及啦﹗

憎死CWB

嘩嘩嘩﹗唔好講笑﹗我今日行銅鑼灣行到發火。

話說PP今日要去維園攞馬拉松既東西，由Parklane行過馬路... 已經開始煩躁啦﹗勁多外傭聚集，好嘈、好逼、好污慒，留多一分錢都想死﹗我都彭彭聲攞完就走，但途經糖街去搭小巴番屋企時，成條糖街都充斥住外傭，好多更想霸埋條行車路添，我根本行都行唔到﹐真系火到尼埋，我最後放棄左我既禮貌態度，夾硬向前行，撞到佢地都唔理啦﹗嗰一刻，我只系想快d上到小巴，因為我既EQ指數已經跌到零。

救命呀﹗我曾經最愛既銅鑼灣幾時會變成咁架？我真系對你好失望呀﹗我唔再愛你啦﹗我唔會再系假期出現系你面前架啦﹗因為你已經變左啦﹗=(

PS：我懷疑我自己已經習慣左假期系D村落生活，所以今日出"醒"唔多慣啫。=P 唔知呢﹗嘻嘻﹗

胡婆婆

唉.... 前幾日... 條腰痛到不得了，瞓都瞓唔到，最後被迫要睇醫生，醫生話... 骨膜炎，唉﹗好可憐呀﹗睇完之後唔系條腰痛，系肉痛，成5舊水。好肉痛呀!!!!!!!!!!!!!!!!!!!!!!!!!!

依家行路都要好小心，唔可以郁得咁犀利，夜晚又要搽藥膏，D藥膏D味好似D亞婆平時風濕腳痛搽個D其臭無比既藥膏味咁，唉... 我真系未老先衰.... 攪到自己成個亞婆咁。唔開心呀﹗

PS：唉.... 最慘系... 3月4號唔可以跑馬拉松... 唯有行啦... 不過都要系西隧口影吓相扮吓野先 =P

2007年2月8日零晨2點

下著雨...............

詩人的情人

曲：方大同 詞：林夕 編：方大同
纏綿是首詩　很容易迷失
北島的朦朧不減李商隱的精緻
感情是首詩　要懂愛才能知
我希望像李宗盛一針挑中你心事
別像宋代李清照悽悽慘慘戚戚
＊我願為你背誦　每一首情詩　
我願意做你的老師　示範著執子之手如何解釋　
不願為深奧的感情　變白痴　
我倆的情事　是一首情詩　
要像徐志摩那麼癡　要像對押韻的堅持　
要成為文學的歷史　讓我們要多美麗有多美麗　
(要這段情感動他人名噪一時)　(閨房的文字只為多情傳世)＊
很少人看詩　很少人得知
擁抱時怎創作接近詩意的手勢
很少人懂詩　很少人情癡
莎士比亞的十四行詩快沒人認識
可我對你吟頌並不如煙的往事REPEAT ＊
讓這一首解構擁抱的詩
感染這誤解愛情的城市
多少艱澀的美感快消失可我們是少數的奢侈
我送你情詩就靠著　靈犀一指
走遍世界也能步步成詩　給寫成故事REPEAT ＊

我是男人

曾經有人話我知，女人對前度男友系極度冷漠，而且可以好絕情，但系男人對前度女友會好有情有義，even分左手，唔再愛佢啦，都會關心佢，想知佢生活過得好唔好。

我諗我系男人囉﹗

連續三晚都失眠，開著部電腦，好衰唔衰走去睇番前度男友既website，其實我已經戒掉呢個壞習慣好耐，但系我尋晚好想知佢近日做過D咩，生活得好唔好，雖然大家分開左，但系我依然都系好關心佢，因為佢工作勁忙，但系佢身體一向唔多好，所以好擔心佢。

其實我一直以尼，分左手之後都可以同前度男朋友做番朋友，我依然想關心佢地，想佢地生活得好，不過，唯獨佢.... 我知佢唔想再同我聯絡，因為佢覺得佢有負於我。我明白既。但我依然會祝福佢﹗

近日我好開心，因為亞B終於搵到一個好好既女朋友啦﹗佢仲話我知打算2009年結婚添呀﹗我好開心呀﹗=)

無論分手時有幾唔開心，畢竟大家都得到好多快樂既回憶呀﹗