魔鏡魔鏡，邊個系最靚？

我屋企有一塊魔鏡，我稱佢謂魔鏡，系因為佢真系可以照到個樣靚D架。

尼塊魔鏡系座落系我家既公廁，每一次出街之前，我都會入一入去照一照先出門口，除左睇吓個樣有冇咩問題之外，最重要系....照一照，令自己出街既心情開心D。=) 自信心都高D呀﹗hehe﹗

其實我發現左好耐架啦﹗但我一直以為系自己有自戀狂，覺得自己比尼塊魔鏡照一照，自己特別靚。所以一直都唔敢話比人知，直至前一排，系亞媽面前講開裝修，我話將來裝修，都要保留番尼塊鏡，亞媽問點解，我解說左比佢聽之後，佢竟然都承認塊鏡系可以照得人靚D架﹗Hahah!! (唔通亞胡太都有自戀症既？) =P

PS：各位朋友，下次到我家作客時，不妨入一入去我家個洗手間望一望我塊魔鏡，睇吓你個豬樣系咪靚左呀﹗=)