大洗

好多朋友都會覺得我好大洗，買咩都要系最好，買野一定去D賣得比較貴既地方買，好多時佢地都會提議我去一D平D既地方買，但我都系咁，話唔聽。

其實我唔系話一定要買貴野，只系.... 我怕比人厄啫，系人都知我系一個要求高既人，對任何事、物、人都要求高，當個樣野唔合我要求or expectation既話，我就會好忟憎、好唔開心，好似我曾經買個個電話，買左番尼兩日，有D function用唔到，雖然最後都可以換個個新既，但系我既心情已經差左一大截，因為佢比我覺得佢唔完美啦﹗=( 所以以後，為左令我心情好過D，質量有保證，我寧願比多少少錢，都唔想比人厄，可能你地會覺得我唔精明，系.,... 我承認，因為我唔系好認格價.... (就算做左萬X都系冇改善)，我成日都相信一樣野，每個人都有長處同短處，所以我會接受我既短處 =P (不過.... 我諗我真系要比心機做野賺多D錢，如果唔系.... 點Affort我既短處呢.... 唉..........) =(

我真系好嬲，勁嬲

如果我有一個朋友，明知佢本身個人已經系好悲觀架啦，我就要更加樂觀，系佢身邊鼓勵佢、支持佢先系好朋友囉。
如果一個朋友已經決定左結婚，就應該收聲唔好再講一D負面既野囉﹗

我都唔明個D系咩人呢架，好似唔想人地嫁得好，唔想人地幸福咁，激死我﹗
你唔好同埋佢地一齊顛啦唔該﹗

呀!!!!!!!!!!!!!!!!!!!!!!!!!!!!!激死我啦!!!!!!!!!勁嬲!!!!!!!!勁嬲~!!!!!!!!! 勁嬲呀~~~~~~~~~~~~~~~~~~

結婚....好煩呀~!!!!!!!!!!!!!!!!!!!!!!!

嗱嗱嗱...唔好講笑.....
尋日同我亞親去行婚紗展，發現.....結婚...原來好....鬼.....煩架!!!!!!!!!!!!!!!
又要揀擺酒地點啦、影婚紗相啦、餅卡啦、請帖啦、結婚介子啦、裙褂啦................嘩﹗煩到爆呀﹗其實......如果你系一個鐘意計數、格價既人，你會好Enjoy囉，因為確實太多選擇，每一樣野都會系錢，咁你就要又計又度，計到一間最抵先落訂金..... 但...弊就弊在....PP我......就系一個對數字 (尤其系"錢")白痴既人，(又唔斤斤計較喎.,......)所以....我...我...我...覺得結婚系............勁煩呀!!!!!!

所以.........我系勁.,...勁....勁....推介旅行結婚架﹗比6、7萬蚊，請埋雙方父母及兩個朋友去一個地方包個島、一個神父、一隊Crew玩4日3夜.... 乾手淨腳.... 乜都唔洗做，不知幾好，又唔洗煩到自己，又唔洗煩到d朋友，一舉兩得﹗所以今日一番到屋企...就做左場戲比胡生胡太睇，講到攪結婚系幾鬼死.......麻煩.... 然後就勁講旅行結婚d好處sssssss，由今日開始....不斷educate佢地....等有一日 (希望) 嫁得出既時候，佢地可以接受到我唔擺酒。(如果嫁得出的話..... )

朋友門，如果你地打算結婚的話............請你地考慮旅行結婚吧~~~~~