我喊

我今日終於頂唔順-------病倒了。
其實我病左成個幾月，我一日病假都冇請過，病到今日，我終於頂唔順啦﹗唉﹗
我今朝一早起已經好唔舒服，但系諗住過一陣冇事，就照番工啦﹗點知，愈來愈唔舒服，又暈又頭痛，又想嘔，乜都齊，最後，我頂唔順，都系死死地氣番荃灣睇醫生。我搭車番屋企既時候，我忍唔住喊，因為我好憎我自己，憎自己身體唔好，攪到影響左工作，我真系好唔開心，縱使我已經辭左職，但系我都想將我手頭上既工作做好，唔好影響到D同事。
我系一個熱愛工作既人，任何影響到我工作既事我都會好憎，打亂左我成日既工作程序，真系好唔開心好唔開心﹗=(

PS: 頭先有個唔系成日打電話比我既朋友打電話比我，佢打尼同我傾計，我話佢知我病左，佢就反問我，我究竟好過未，好似由九月認識我到依家，佢每一次見到我，我都系病，佢咁講，我先發現到，原來....我已經病左好耐。=(