感動到落淚

尋晚系NC攞左獎之後，番到屋企喊左出尼，喊，唔系因為我攞獎，而系好感激各位朋友對我既支持。

系舊年尼個時間，當組織緊新內閣既時候，本來我既好姐妹糖糖同亞之系冇諗過做Board Member 架﹗但系佢地就系因為我要做VP，所以先會做BOD，但系今年大家都做得好辛苦，好多唔開心，如果佢地唔系為左我，根本唔需要咁辛苦，加上，今年所有我in charge 既project，我所有既朋友都總動員出席幫手，真系好感動，我諗一聲多謝不足已尼表達我對佢地既感激。

所以容我系尼度講一句好老套既說話............

尼個獎系屬於你地架﹗

The Best CD Project Award!!!!

勁開心呀﹗﹗﹗﹗﹗

好病好病勁病

今日真系好病呀﹗好耐都冇病得咁犀利啦﹗
扁桃腺發炎+發高燒
但系今日偏偏勁忙，今日冇化妝番工，殘到不x入目，最衰既系... 今日要開大食會，要做presentation，真系好想喊，成個會，我不斷系度包雲吞，嘈到死﹗差唔多成盒紙巾都比我包晒，好彩我攞定個膠袋收集雲吞咋，唔系hea晒系度，好不雅架嘛﹗

lunch時終於頂唔順要，要落去睇醫生，本來醫生叫我打支針，然後番屋企休息，但我話唔可以唔番工，因為今日系開sale前一日，好多野要做，醫生最後叫我放工先去打，因為支針系會勁眼瞓過喎。

我諗住6點走去打針，然後番屋企休息啦﹗點知我系診所足足等左50分鐘先輪到我打個一分鐘都唔洗既針﹗(喊位1)，然後諗住搭小巴落旺角再轉小巴番屋企啦﹗等30分鐘都冇車，(喊位2)﹐就求近上左架去佐敦既巴士，"鄧"左1個鐘先去到佐敦，再系碼頭行20分鐘到小巴站(喊位3, 4, 5, 6, 7, 8, 9, 10) 對一個病人尼講，咁樣番屋企系一件好可憐既事，仲要個病人系PP添，公主尼架嘛，唔可以咁可憐架﹗真系好慘呀!!!!!!!!!!!!!!!!!!!!!!!!!!!!!!!!!!!!!!!! 聽朝仲要6點鐘起身番公司格價添呀﹗!!!!!!!!!!!!!!!!!!!! 嗚.................嗚.................嗚

好啦﹗我瞓啦﹗你地得閒就嘟吓我，關心吓我啦﹗

可憐的公主 =(

非生日週收到的花

好感動

近日做野真系好辛苦，今日我終於病倒了﹗(發燒) =(

但感動既系.........有三位朋友，知道我病之後，三個都話尼公司接我番屋企﹗真系感動到不得了，其實有尼D 朋友，仲洗乜要男朋友呢？(定系因為佢地知我冇男朋友，所以客串做住先呢？) anyway, 好多謝你地﹗鍚鍚亞之、鍚鍚我的親、鍚鍚史密夫

另：超級愛Advisor呀﹗近日真系忙到都攪唔到商會事務，如果唔系得佢撐住，真系唔知唔知唔知點算，鍚鍚鍚Advisor!!

另2：今日有一位新會員讚我Caring，因我好詳細為佢解釋NC既野，又主動打電話比佢問佢仲有冇咩問題唔明白，又教佢扮靚。(其實佢系有少少似我亞噹娜，為佢做少少事就好感動個隻﹗哈哈﹗)不過，caring不嬲都系本公主既強項，所以我系尼一part系唔會謙虛既﹗=P

頂﹗今年又系興圓頭鞋﹗

勁嬲呀﹗

生日週x2

好啦﹗好啦﹗今年既生日慶祝活動終於完結啦﹗今年除左好多例行飯局之外，就多左一個好開心好開心既麥當奴生日會，我好多同事睇到之後都好驚訝，點解咁大個人都可以系麥當奴開生日會，型晒﹗哈哈哈﹗

今年除左有舊朋友+商會朋友之外，仲加左一D特別單位，有一D唔系好熟既商會朋友啦(我真系冇諗過佢地都會出現我既生日會，真感動﹗)、前apm同事、從美國番尼既保羅、好鍚我既郭生、盧先生及ex-奶奶 (炒年糕好好味呀﹗鍚鍚﹗)。

今日系最後一日慶祝活動，但系由於本人唔知醒，上晝既行山活動除消左﹐要到夜晚先至join番D朋友仔食飯，好攪笑，今晚竟然系食翅﹗尼次系我生日時第二次食翅，我唔系話唔鐘意食，但系我成日都覺得，翅尼樣野，系老人家生日先會食，我地尼D後生既，普普通通咪得囉﹗=P不過今晚好開心，真系好開心，有好多久遺了既感覺，好耐都冇同一D咁既combination既朋友一齊食飯，三年啦﹗

PS：特別鳴謝Advisor親手整既蛋糕，尼個蛋糕系我今年唯一一個生日蛋糕。(你估都估唔到我咁可憐哩，唉﹗)
PS2: 原來生日會唔只咁少相架，仲有好多好靚既相系隻雙CD度架﹗勁開心呀﹗收到之後就彭彭聲upload番啦﹗嘻嘻

好多謝每一位鍚我既朋友﹗I Love You!!

Daniel Said:
You are a celebrity!
This was just my impression when I saw the photos... you look like VIP
Like: "The movie star is showing social responsibility and is visiting the poor kids home"

haha!! Thanks!!

I'm not a celebrity.... but a Princess =P

1/2+1/2 = 1??

半個他+半個他 = 1份感情?

這份感情註定是不原整

1/2 + 1/2 ≠1

為何不可以擁有原整的一個？