馬尼拉之行--多謝你呀!!!

我番左尼啦!!!!!!!!!!!!!!!!!!!!!!!!!!

今次去馬尼拉真系真系好開心好開心呀﹗開心既程度系.......諗番都會笑個隻。

今次真系好感謝契爺既悉心安排，其實佢系前會長，理應唔會出席接待既活動，應該系現任會長加佢既董事會接待我，但契爺陪左我地好大部份時間，又請我地食飯﹗最最最感動系咩呀？佢特登尼送我去機場呀﹗(suppose 前會長系唔會送機架﹗) 真系好感動呀﹗=(

而且仲比我知道左契爺真系一個好叻好叻既人，佢個會系菲律賓系一個好出色既商會，大部會既會員都系非富則貴既生意人或政府管員，但系所有會員都好尊敬契爺，大家都會稱佢為 "Father"，可想而知佢系幾叻，系一個真真正正既精神領袖，我都講過啦﹗佢系一個好有領袖魅力既人，以前我淨系知佢系好多地方都有佢既biz units，已經好崇拜佢，依家比我知道佢系咁受人敬重，但佢個人一D架子都冇，幽默感又重，又系一個好爸爸，我真系愈來愈仰羨佢﹗有佢一成咁叻都已經好好啦﹗

我真系好發覺，一個人如果有幽默感，真系多人鐘意D架﹗Hehe﹗話說契爺個會裏面有一個好攪笑好攪笑既男仔(亞菲臘)，我真系好鐘意佢，連亞糖都好鐘意佢，因為佢實在攪笑到不得了..... 但但但.....真系一山還有一山高，有一次我系一個茶聚中，寸左佢一句(攪笑嗰隻寸)，攪到佢啞口無言個一下，令到我獲得半場掌聲﹗哈哈﹗(因為從來都冇人可以寸到亞菲臘一句聲都出唔到) ，之後D人個個都好鐘意我，(之前契爺都已經話佢地覺得我好可愛架啦﹗)哈哈﹗再加埋幽默﹗正﹗=P (請各位朋友系尼一part豪一豪個位比我﹗唔該﹗) 嘻嘻

PS：糖糖話我系一個小朋友，好樂意照顧我旅行既"大"事務。而我就話佢系一個男人，我好樂意照顧佢既細微細眼野﹗所以我地系Perfact match!!! haha!! (好鐘意佢都覺得我系一個小朋友﹗要被人照顧) So sweet!!

(再續：亞菲臘與糖糖之間既攪笑野、社會服務日、董事局會議........)

今日去菲律賓啦﹗

嘩﹗嘩﹗嘩﹗勁開心呀﹗真系估都估唔到，我啱啱番工冇幾耐，又可以再去旅行啦﹗哈哈﹗今年真系好唔productive呀﹗=P

今次尼個Trip真系唔知系咪整定，本來，諗住今年十一月去韓國參加WC cum同契爺慶祝生日架﹗點知今年馬尼拉有個人send個email比我，話想同我地會一齊攪project，睇下有冇機會，由於我唔系好唔鐘意個條友 (有D憎添)，而且我又唔系負責國際事務，所以彭彭聲Forward左佢個email比相關同事就算啦﹗其實我地會系咸豐年前系有邦交架，但系後來唔知咩原因，冇乜再聯絡，咁我諗住相關同事都唔會有咩興趣，咁以為冇乜事發生啦﹗點知......... ......... 上個月相關同事就發email叫人去囉喎﹗嘩﹗............ 真系風回路轉呀﹗咁....咁....咁..... 由於契爺系此會既前會長，亦會系尼緊菲律賓總會既會長，我當然第一時間打比我既旅行好伴侶糖糖問吓佢去唔去啦﹗嘩﹗佢竟然肯陪我去喎﹗(所以當MNS話請我既時候，我已經話定比個HR聽，我25號一定要請假﹗<唔比我請假我唔做架.....哈哈哈哈哈﹗>) (好彩系Five day work啫﹗)嘻嘻﹗

其實confirm左去之後，我一直都冇通知契爺，因為冇時間﹐但系反而契爺先send sms比我問我系咪會去，嘩﹗勁攪笑，近尼幾日佢不段sms問我關於個trip既野，最攪笑系咩呀??? 最攪笑系佢問我住邊間酒店，我話唔知喎，跟住佢自己去問人check我住系邊間酒店，然後sms番我話比我知 the hotel you stay is very close to my house 喎 ，你話佢系咪攪笑呀﹗堂堂一個PP尼架嘛，要型架嘛﹗唔suppose咁熱衷去check野架嘛﹗哈哈哈哈 (佢後來系電話都系咁講 =p) 今晚本來sms到尾聲話 "see U tmr la"，點知佢仲要打個長途電話比我，同我傾左好耐好耐，佢之前話，因為自己既身份，所以系唔會去機場接我，我就講笑話搭早一班機，要佢尼接我；又傾吓聽日點扮唔識對方，哈哈哈哈﹗好攪笑好攪笑﹗

契爺真系好好好好呀，我今日先知道，佢會系第二日請我地食飯﹗我睇到email之後，彭彭聲sms佢讚佢好人啦 (哈)，佢反問我點知，我話個itinerary講過囉，佢(扮激氣)話唔suppose比我地知系佢請客﹗(佢想比surprise我) 勁感動﹗多謝契爺﹗

由於太開心太開心啦﹗所以今晚系瞓唔著架﹗大獲啦﹗聽日一定勁殘樣﹗=( 不過希望勁開心既心情補番啦﹗

呀!!!!!!!!!!!!!!!!!!!!!好想同你地分享我依家尼一刻既快樂呀!!!!!!!!!!!!!!!! =)

情義兩心堅

情義兩心堅
作曲 / 編曲::顧嘉輝 填詞 : 鄧偉雄

情若真 不必相見恨晚 見到一眼再不慨嘆
情義似水逝去此心托飛雁 遠勝孤單在世間。

情若真 不必驚怕聚散 變化轉眼也應見慣
誰願去撣慧劍此心托飛雁 縱隔千山亦無間。

* 愛比朝露 未怕短暫 存在倆心堅 情不會淡
別去已經難 重會更艱難 愛火於心間 不冷。

情若真 不必苦惱自嘆 縱已失去也可再挽
情緣至今未冷此心托飛雁 那怕悲歡何妨聚散。 *

近日每次聽到尼首歌都眼濕濕。

"情若真 不必苦惱自嘆 縱已失去也可再挽"

喜歡被縱(寵)的感覺

好攪笑

今日我個asst. 企圖 "了"我傾計，我見到佢雙眼系啡啡地色，以為佢好似我咁，戴左color con啦﹗點知，佢話佢本身已經系咁既色，(激死.....我大嗱嗱，每個月要比3舊幾水去買color con，佢就天生﹗....... 喊﹗) 之後佢好有禮貌咁話 "其實好似你咁黑咪好囉" (i：斜bear)，不過佢系一個好好既女仔，個人冇乜野，之後佢話好想佩一對黑色color con (我都試過，系一對全黑，有色部份既比例系比普通既color con大，令人戴左，個眼珠好似大左好多咁) ，但系我個一刻......扮可憐咁同佢講.... "我都試過.... (i：篤手指) ....但系...其實....我對眼已經冇乜眼白.... 再戴埋.... 我對眼就冇晒眼白架啦﹗..." 跟住佢望吓我...... 然後狂笑...囉....

我諗經過今次之後，佢地唔會覺得我靜囉呱，我既幽默感都幾重架﹗嘻嘻﹗

鐵定2006年9月9號呀!!!!!!!!!!!!!!!!!

系麥噹噹開生日會呀﹗

危 / 機

現今既年青人，好多時都想系一間無風無浪既公司做野，因為覺得好安全，但系大家有冇諗過，如果一間公司，日日都系咁安全，冇咩大事幹，咁.....你既價值系邊呢？

我以前都會有同樣既諗法，系大公司仲好，樣樣野順順利利就最好啦﹗但系依家我會有另一種睇法，其實如果一個人系相信自己有實力既話，不妨試吓留系一間有發展空間，唔需要太穩定既公司呀﹗"有危先有機" 我真系好深深睇會到，好似我之前系一間日日都有獲既公司度做野，雖然日日都系度補獲，攪到個人好灰，但系每一日都過得好充實，仲要prove到自己系處理問題時既ability，而且，就系因為系某兩件事上面我處理得而，令我得到各同事包括亞Pink既100%信任及追隨，尼個滿足感系好大好大既；反之，依家系大公司，你既存在價值就大大減少，AMgr "拿"埋都一大住，所以你想突圍都好難，除左比心機做好D野之外，都要等下運到先得。

所以話尼，有危未必唔好，尼個反而系一個比你好好表現實力既機會添呀﹗
所以當大家因為工作唔如意而想放棄既時候，諗吓我講既野呀﹗=)

感動的Evaluation meeting

今年既Community Development Project終於完滿結束啦﹗其實我今年冇之前咁投入去玩，因為今年系supervising officer，其實冇咩會動用我，好唔鐘意冇一種好入組既感覺，大家好似好疏離咁，所以可能D人會覺得我都好似冇乜做過野咁，冇付出過咁，但系Evaluation個晚，我真系好感動，因為佢地個個都recognize我之前所做既野，其實好多時我做左都冇人會知，因為我唔鐘意出email 然後cc全部人，好似要話晒比人知，我做過D乜，做過D物咁，無意思囉，I enjoy working as a team. No matter I'm the supervising officer or not, I'm nore than happy to give my help to all of my members. That's me, Kathy. 如果我話比人聽我幫佢做過D物，咁人地又會諗個個受幫助既人乜咁懶架，咩都唔做，咁大家咪有心病囉﹗以前我會好介意....好憎D Group member唔做野，好挑剔D共事既人，但系我自上年開始已明白到咩叫 "路遙知馬力'，好多時，一個大project，為期大半年，唔系每個人都可以時時刻刻咁得閒做青商野架嘛，所以唔可以不斷計算住尼個人做左幾多，個個人又做少左幾多...... 所以一日個project未到最後，都唔知邊個付出幾多，如果不斷計，只會令到自己唔開心，會少左好多朋友，所以evaluation個晚，大家講左大家系尼大半年尼既感想，好感動，到走既時候，本來大家系分開搭唔同既車番屋企，但系最後大家都決定一齊搭地鐵，因為大家都唔捨得分開，十級touching呀!!!

PS：希望大家學習包容，人地開心，自己都會開心﹗

開心番晒

今朝真系好想喊好想喊﹗
我上星期每一日都系瞓得個4、5個鐘，好辛苦，尋日仲要咁早起身，諗住星期六可以瞓晏D啦﹗點知................樓上又鑽牆，仲要鑽正我頭頂喎，嚇到我死，系人都知胡小姐瞓覺時唔嚇得架啦﹗平時D鬧鐘都唔可以效到咁大聲，因為我個心臟負荷唔到架嘛，今朝真系比佢嚇死呀﹗好嬲好嬲﹗

好唔開心就梗系要搵人氹番架啦﹗Send個sms比周伯伯，叫周伯伯買dark chocolate比我食，佢話即刻買，仲要話"我點會唔買呀，我最鍚既就系你架啦" 嘩﹗勁開心呀﹗多謝周伯伯﹗

PS：希望伯娘睇到唔好嬲啦﹗=P (我知你地兩個都鍚我﹗)

逄星期四的----大食會﹗

我地逄星期四都要開一個buying meeting，系個會入面，每一個team都要present尼緊舖頭會有D咩新產品或Bonus pack (即買x送x之類)發售，由於我地office系系5樓，開會系7樓，每次開會，都會好大陣象，30+人開會，每組人力晒自己要presnet既野上去，一袋二袋，有D仲成個紅白藍添呀，(因為好多野好大件，又或者佢地個Category每次都好多野要present)，所以成隊兵咁操上去，型﹗

其中有一條team系負責食既野，大大小小系舖頭有得賣既食物，都系佢地負責，每一次佢地都會有好多野present，因為食個D野，好多Bonus pack，同埋好多新產品，每次佢地一presnet完，就會開晒所有野尼食，所以我地逄星期四都唔系好洗食早餐，因為一定好多好多野食，(今個星期有燕窩添呀﹗哈) 好攪笑﹗有時試左D新產品，覺得好食，會叫佢地扮唔見左包Sample，要叫supplier再send過過尼，下次再presnet過......勁攪笑﹗哈哈哈哈

後記：
我將尼件事講左比田少知，然後有一日 (今個星期四)，佢打比我，問我 ：[依﹗開左大食會未呀？] 我停左兩秒...... (大食會??你講咩呀？)...頂.....原來佢將我地咁神聖既Buying Meeting改左名叫 <大食會>..... 笑爆﹗哈哈哈哈﹗(尼個簡直系勞氣位，佢攪gag，我要慢兩秒先get到，輸左﹗) 田少，我服你.... 連我亞親聽完都話愛你﹗你系得既 (妖﹗)

PS：其實仲有好多好攪笑好騎le既野，不過系尼度唔系好方便講，有機會見到大家就同大家講啦﹗

大帝

好老實講，唔系你想見我，我就會比你見﹗
我咁講好似好大口氣咁，但系我講真架....
自從轉左工之後，時間真真唔多夠洗，所以要好好利用D時間，以前唔識得拒絕別人既邀請，最後害左自己，唔夠瞓，好慘，依家唔會啦﹗你想見我，都要睇下你值唔值得見，系咪我想見，同埋睇埋公主心情指數，就算你尼到我公司樓下、屋企樓下，我唔想見就唔想見，你好彩咪見到我囉。好對唔住，我真系唔想再Entertain任何人，我要學習愛惜自己，對自己好D。

千祈唔好企圖比驚喜我，我會黑面。(如果你系一個我唔想見既人)

精神領袖

雖然已經離開左之前間公司，但系我既精神依然系度陪緊D同事﹗
前日好開心好開心，收到Pink既msg

<你系我跟過咁多個亞姐之中最好架﹗>

收到既時候，真系好感動，我都講過啦﹗Pink系一個好特別既女仔，佢唔系唔好，反之，系一個好好既女仔，但系可能之前被人傷害過，所以佢系好難先會信任一個人，之前，佢跟過好多上師，但系冇一個可以同佢夾到，唔系因為佢唔好，佢系一個好勤力，(比凡人勤力十倍既女仔)，但系佢就系唔信任其他人，所以佢有佢做，上師有上師做，我初初接管佢之時，佢都系對我不秋不睬架，我有我講，佢有佢做，佢唔會主動同我report，但系後來因為我處理左一件事，令到佢成個人改變左，佢咩事都會同我傾，主動同我講，笑多左 (佢之前唔會笑架﹗)，又肯聽我既意見去改善，所以好多做左好耐既人都覺得好難得，Pink終於可以搵到一個可以信任既上師。但....我最後都離開佢，所以我其實系有D內疚架﹗=(

所以我依家隔日就會Send一D"做嘢小貼士"、"愛心小提示"、"社工輔導服務" 比佢同埋我個team既其他同事，教下佢點樣去處理獲(Crisis), 點樣同客negotiate、待人接物、心理輔導等等....我希望縱使我唔系度，我都可以支持到佢地，等佢地可以開開心心咁成長﹗

我好樂意做你地既精神領袖架﹗好開心可以得到你地對我既信任﹗

大件事﹗大件事!!!!

有人結婚啦!!!!!!!!!!!!!!!!!!!!!!!!!!!!!!!!
嘩﹗好鬼touching 既求婚，好鬼sweet既旅行，好鬼攪笑既答覆﹗

PS：真系唔明，D咁開心既事，點解都唔彭彭聲宣佈比朋友知﹗費解﹗
PS：我開心到喊左出尼.......

我系師奶公主--格價專員

我依家逄星期五都要晨咁早7:30番到公司，因為我地要系開鋪之前，睇晒所有報紙，睇吓惠x、x佳同屈x氏今個星期做咩減價，然後我地就要系10點前改晒所有價錢，務求做到最抵。成棚人8點鐘開會，讀晒所有既價錢，然後決定跟唔跟其他既價錢，一角幾毫都好重要架﹗自己都覺得自己師奶左好多。

然後，大家就去食早餐，食完早餐就會去附近個間舖拾平野，好師奶呀............呀!!!救命﹗

PS：我唔系話Sale我間公司呀，但系我真系想講，系我公司有得賣既野，你地都盡量系我公司既舖買啦﹗就算平唔過都唔會貴過其他公司囉 (澳門舖除外)
PS：我仲要同D同事傾邊隻奶粉、尿片好添呀﹗..... 呀!!!!!

師奶公主

怕老.....

我亞姨成日都叫我查hand cream，話隻手會暴露左自己既年齡，但系我一直都唔聽佢講，因為我唔鐘意查野，而且本人長期持住自己個樣baby face，比實際年齡細，所以一直都唔查。
但系近日，望望自己隻手......嘩﹗真系老左，以前都唔系咁既，依家隻手殘左，D青筋又現晒出尼，唔靚，唔靚，唔靚..... 好可憐呀....真系老左啦..... 好驚﹗
(我真系好唔想..... 比D成日落地盤既人同埋年近40既中男寸我呀﹗) (唔濟呀!!!!!!!!!!!!!!!!!!!)

其實我分析過.... 自己點解唔想老..... 其中一個原因系....我唔想咁多負任要付，好大壓力，好多人會將佢地既期望加於我身上，我唔系唔願做，但系..... 我系一個唔迫得既人，你唔叫我做，我都會做，仲會做到好好，(我對自己有一定既要求)，但系如果你出聲叫我做，我會覺得你迫緊我，我會好抗拒好抗拒，就算想做都唔做﹗所以依家好怕老......好怕....

02:40 仲系聽緊忘不了....

忘不了

今日.... 聽陶喆既 "忘不了" 一首歌repeat又repeat足足聽左5個鐘.... 到依家...就尼零晨兩點啦，都.... 都.... 都.... 唔捨得....瞓...死未.....

實在.........太....太....太...好聽啦!!!!!!!!!!!!!!

快樂星期天

今日好開心，雖然尋晚好夜先瞓，但系因為今朝有得行山，所以就算幾眼瞓，都晨早起身去行山。 晒完太陽個人都靚D。哈哈哈哈﹗
之後就去左太興食我最鐘意食既奶油厚多士+餐蛋公仔麵+冰鎮奶茶=正﹗嘩嘩嘩﹗好耐好耐都冇食過啦﹗
之後番屋企大洗....之後入左沙田hae....坐系cafe度睇書聽歌......寫意非常....離開左史提分公司之後，都冇咁悠閒過。
坐到7點....就遊巴士河.....由沙田搭巴士去西貢......聽住歌......感覺好舒服，好寧靜。
之後去左好耐好耐都冇去過既泰xx食咸肉雞湯粉..... 雖然每次都要食到喊 (因為好辣)﹐但都要食囉.... 因為佢實在太好食啦!!!!!!!!!!!!!!!!!!!!!!!!!!!!!!!!!!! (佢系其中一間令本公主肯企定定等位既一間up dup 食巿)
食完就好滿足咁番屋企啦.... 好眼瞓...好眼瞓...好眼瞓﹗..... =)

我不屬於這個世界

今日有個舊同事同我講.... "我覺得你好似唔屬於尼個世界咁"

外星人???????? 我立即問佢點解點解啦.......佢就提出以下論點：

1) 我每朝番公司都系精神奕奕，好似永遠都系唔會唔精神，唔夠瞓咁﹗
2) 每日都笑面迎人，好似冇煩惱咁
3) 無論D客系絕頂麻煩 (連老闆都頂唔順)，公司有幾多"獲"，我都系笑笑口，唔會發脾氣，唔會忟憎。
4) 系個位度睇落雨....(郁都唔郁個隻)
5) 自己一個人系房度睇書 (同平時活潑既性格有絕對的180度分別)

佢地唔相信尼個世上系會有一個EQ高得咁緊要既人。
但系我想講.... 唔系EQ高低既問題...而系.... 睇吓你重唔重視尼樣野.....
你地發唔發覺.... 當你好重視一個人既時候，你會控制唔到自己既脾氣，但系當你唔重視個個人，你連發佢脾氣都覺得晒氣。
但系..... 我唔好意思同佢地咁講。
另一個原因系.... 我知道佢地已經做到好灰，如果我仲唔開開心心積極去面對，佢地會更加冇心機，更加驚去面對去解決，雖然我唔系做左好耐，但系佢地同我講......我已經系佢地既精神領袖!所以話呢... 我又點可以唔撐住佢地尼？
又或者..............我既EQ系尼幾年.....進步左呢... Hahahaha.... who knows???? (尼個可能性都好高.... hahhahahhahahahhahah)

每日一禪

近日，好多朋友都知我睇緊一本禪書，當中既故事，真系給我好大既啟示，好想同大家分享。
由於我太想同人分享尼啲咁有益既故事，所以我依家迫一位朋友每晚都打比我，我每一晚都講個故事比佢聽﹗哈﹗好攪笑﹗
其實你睇我平時滔滔不絕，但系我就系嫌棄自己講故事唔好聽，我每次複述人地講既嘢，永遠都系冇趣味性，其實好唔開心架﹗我近日發現中大校外課程有一個教人講故事既course.... 我都不知幾想報尼讀呀﹗但系疑於我轉左工，番工時間唔定，所以報唔到﹗唉﹗
系我芸芸咁多朋友之中，有兩位講故事系好叻既，一位系田少，一位就系二叔啦﹗叻叻﹗
如果有佢地5成功力就好lu........ =(

不好受的辭職

"你對得住Pinki咩？" 老闆說

你要令我內疚.......你做到了﹗

大宣佈﹗大宣佈﹗

嘩﹗嘩﹗嘩﹗經過三個月共4次既Interviews之後，我終於成功進駐太古坊啦﹗
尼次系我人生之中，見工見得最長時間，見得最多次既一份工，實屬難得﹗
記得第一次見HR Dept，仲好鬼死開心，因為全程個半鐘都系講英文，我唔系話我講英文好好，但我都覺得系above average既，總比講普通話好既....heheh﹗我同個Interviewer有講有笑，開開心心又個半鐘啦﹗第二次就系見我頂頭上師，系一個鐘頭裏面，大家只系傾偈，都好似好唔關見工咁，大家傾傾吓，發現大家住得好近，就傾吓點樣番工先系最快，好攪笑，但見完工之後，我唔系好有信心可以見得成，因為今次見工既感覺好empty。之後等吓又等吓，我都唔等得Lu，所以我take左另一份工which is the one in fashion and cosmetic. 其實之後我都冇再諗尼份工，但系3星期前，個HR又再打比我，佢同我講，之前個個Post已經系內部調升左，所以冇架啦﹗不過另一個team既同樣職位要請人，問我仲有冇興趣In，咁我當然話好啦﹗跟住我又再去in啦﹗個interviewer同我講，原來系個HR同之前個個上師推薦我比佢，所以叫我尼Interview，今次我地都系好似傾偈咁，但系傾得詳細好多，所以今次既感覺好好多。跟住，又系要等....等....等，又等左個幾星期.... 唉... (大公司真系慢.....都唔諗吓d應徵者既心情)，我本以為唔洗再in，一收到電話就即代表會請我，點知當個HR再打尼時，話....."我想你Interview" 嘩﹗激死﹗又in.....今次系最後一次，見Dept head，唉.... 一次驚過一次，我諗住上兩次都冇考過普遍話，今次一定會考啦﹗咁我就系公司樓下，自言自語系度練習啦﹗練練吓，有個人走到我面前問我 .... "你系尼攪咩呀？" 呀!!!!!!!!!!!!!!!!!!!!!!!!! 系一個十幾年冇見過既一個朋友..... 激死呀﹗一見面就比佢見到我成個傻婆系條街度自言自語，好肉酸呀﹗唉..........冇計﹗
今次interview都系傾偈，傾傾吓，先知，原來大家既background好似，系外國番，唔習慣香港生活，佢就系我以前一個英國客既公司做過，所以大家好清楚大家所遇到既難題﹐哈﹗好攪笑。
今次終於唔洗又等兩個星期先有消息啦﹗第二日我就收到電話，咁我就跟住遞信辭職啦﹗
(再續...)

好緊張

希望聽日有野宣佈..........
PS：今日莫生系杭州番尼，聽日又要飛日本啦﹗希望佢平平安安啦﹗
PS：今日屈左亞田少買一份禮物比我，但系我仲未諗到要咩，Anyway...多謝則田﹗yeah!!!

So sweet!!!!!!!!!!!!!!

尋日勁開心呀﹗話說上晝十一點幾收到亞胡太既留言，(我當時見緊客)，佢話同亞大胡生尼我公司附近陪我食lunch喎，嘩﹗勁sweet呀﹗你要明白，亞胡太不嬲唔系一個咁sweet既人，今次山長水遠咁尼陪我食飯，真系好開心呀!!

工作Update

其實好多朋友都知我離開左史提分既溫室，重投黑暗既社會工作，依家我系一家Fashion and Cosmetic既公司度做，本來.....我系apply Sales and Marketing既，但系....第二個星期，有個Merchandising Manager比人炒左，老細傾都無同我傾過，就叫我pick up 埋個Merchandising Team，嘩﹗幾唔開心呀﹗我系好唔鐘意好唔鐘意做廠既merchant架﹗幾煩，幾多野要跟，再講呀，我對布及其他物料都唔識，我又點可以簽料單，click nick clerk lak既野呀﹗唉.....而且，我仲要pick up一條最多wok既team..... 唉﹗頭幾日，日日都系度攪D蘇州屎，做到個人好灰，但系我知道，我既Team-mates系無辜既，所以我一定要撐住，就算幾唔開心﹐都要開心囉，我一定要撐佢地架嘛﹗

所以近日我大部份時間都系做作家，有獲就要作個email出尼同客解釋，又要寫report比老闆娘，而且由於老闆娘出左個email指責某位同事﹐而cc全世界，我又要作篇文去安撫D同事﹐如事者... 我覺得我已經變成一為作家。

雖然我近日成日都比老闆Challenge，好唔開心 (嗱嗱嗱﹗唔系我問題，系佢雞蛋裏挑骨頭咋)，但系同D同事真系相處得好融洽，大家互相信任，佢地亦都知道我系一個開明既上師，所以大家雖然做得辛苦，但系都好開心。(老闆個日都系GM時話我Pick-up條team, pick up得快，D同事D靈魂好似歸位番咁﹗) 我都希望佢地做得開心﹗

兩週寂寞期

我好可憐呵........=(
平時我比人既印象系...好似好多朋友咁，日日都會搵到人陪我玩，但事實系.....我唔系個個都想見。好多時，我系一個比較靜既人，鐘意坐系間cafe度hae，hae上幾個鐘，睇吓書都可以，唔一定要熱鬧，所以唔系好多朋友可以陪到我，陪到我個D人，都系要hae得，忍得悶既，唔系急性子，如果唔系，佢地一定頂唔順。所以，系我朋友堆中只有兩個人可以fulfill到呢個requirement，佢地就系我艾美同亞田啦﹗艾美出晒名hae到爆個隻，比我更甚，亞田ok啦﹗佢可以唔理我，睇佢個D LLB Student既書，佢有佢睇，我有我坐，所以我平時會見佢地兩個比較多。

好老實講，其實我知道好多朋友都好鍚我，佢地都會話，你悶你就搵我出尼啦﹗但系其實，我唔系話唔想搵佢地出尼，只系我知道有D朋友，系好受我影響，Say... 如果我唔講野，佢地就唔會initiate D話題講，唔系因為佢地唔想講，而系佢地唔系個D可以帶起話題既人，如果我又唔出聲既話，咁...就靜到不得了，我又會覺得我好似悶親佢地咁。平時你會覺得我系一個好多野講既女仔，但系有時，我都想唔出聲，唔想做帶頭個個，想靜靜分享大家既話題，做一個聆聽者，但系...往往到最後都系死寂....唉﹗

又譬如有D朋友，平時好忙，個人好急既，我叫佢出尼無所事事Hae既..... 我又於心不忍呀﹗
所以到最後，就只有兩個朋友可以容忍到我唔出聲，陪到我。但...............

自上星期六開始....我就進入左兩週寂寞期.......亞佐治系德國尼左，艾美要陪佢，連我既避難屋，都冇得上.........而亞田又要為考試而閉關讀書，唉............同一時間..........冇晒兩個hae友，好可憐呀﹗.................嗚.............嗚...............嗚..................

禍不單行，上星期六，放左工之後，唉﹗都知道冇人陪架啦﹗就諗住番屋企同亞媽食lunch啦﹗點知..............亞媽話約左3個aunties上尼我屋企打麻雀喎，嘩﹗個一刻..........心情簡直跌到谷底呀﹗已經冇人陪架啦﹗仲要連屋企都冇得番，好慘呀.................................... =( 最後....我要系條街度留連左6個鐘先番屋企。呀!!!!!!!!!!!!!!!!! 尼兩週D時間可唔可以過得快D呀？

大發現......大發現呀!!!!!!!!!!!!!!

嘩﹗嘩﹗嘩﹗勁呀﹗原來我公司系可以比我login blog架﹗嘩﹗勁開心呀﹗
自從轉左公司之後，我個人out晒，事原系..... 我公司管得好死，所有private email都login唔到，msn, skype更加唔洗講啦﹗以前，個board send啲咩出尼要vote，我唔系第一個就一定系第二個agree架嘛﹗但系依家..... 我要番到屋企先可以check到email，好多時，個motion過左，我先睇到，幾幾幾唔開心呀﹗=( 所以慢慢我都放棄左，但系今日失驚無神，唔知點解好想好想寫blog，(其實又系D讀者投訴囉)，咁就系公司試吓可唔可以Login到啦﹗嘩﹗嘩﹗嘩﹗竟然.........得左﹗好開心﹗依家可以keep住update啲讀者啦﹗正﹗=)

其實近日有好多軼事想同大家分享，等我諗諗寫咩先啦﹗