論盡我老闆

由中學開始到以家，我都做過好幾份工，稱得上系我老闆既，有4位﹗

第一位系我人生第一份工，系我中七畢業之後一份為期三個月既暑期工，我已經唔記得佢叫咩名，不過，點解一份暑期工，我都對佢有記憶呢，除左系因為尼份系我第一份番朝九晚五既工之外，另一個原因系因為，佢地兩公婆都對我好好；我好記有一次，好似我要星期六番工，得我一個人做到好夜，佢地兩公婆特登番尼公司接我出去食晚飯，當時確實感動，另外，佢地好多時都會請我食lunch，知道我鐘意食潮豪城既水晶包，佢地次次都會叫比我食。(其實當時同佢地唔系好熟架咋，而佢地都唔系善男信女既人，但系就系唔知點解對我咁好。)

第二個單位系系我大學畢業後系香港第一份工既一組老闆(4人)，一位系亞姐，好豬仔，但系勤力，一位好叻，好聰明，一位叻但自大到死，一位系吹水貪玩但有人情味既老細，我放左好多時間系尼間公司，但系我一個老細都唔鐘意。

第三位系鬍鬚佬，佢系一個好叻好叻既人，佢未做老細之前，系一d MNC 既Directors，language 好叻，作文叻，negotiation skill勁，佢亦都好proud of 自己尼方面既技能，成日都會搵位show off，不過.... 佢又真系叻既，但系佢既management skill就真系好差勁啦﹗好多人走﹗留唔到人。

最後一位...... 唔洗講.... 梗系我最愛既史提分啦﹗雖然佢系各方面都唔系話好叻，不過.... 佢真系真系一位好老細，對員工好好，又細心，而且，佢好尊重我，咁多年尼都縱容我。佢真系好好。

好老實講，如果好老細同叻老細比我揀，我寧願揀一個叻老細，因為我系一個"鋤"弱扶強既人，如果我發覺佢唔叻，我系佢身上學唔到野，我會蝦佢架﹗=P (費事晒時間啦)