濃情化不開

前兩日系收音機聽到周華健多年前既作品<濃情化不開>，我仲記得尼首歌系當年系好hit，我系好鐘意聽 (你地唔好企圖或嘗試去計我個age grp呀﹗)，系收音機聽完之後，番到屋企就第一時間去個千年CD櫃度搵，睇吓搵唔搵得番我當年重金去買個隻周華健CD (嗱﹗當年一個學生妹買一隻CD已經系好大手筆架啦﹗) 嘩﹗搵到啦﹗雖然封晒塵，但系仲系保持得好完整，我立即番房播尼聽吓，音色依然....好好聽﹗個晚我不停repeat又repeat....由晚十點聽到零晨兩點都系尼首歌，聽到都唔系好捨得瞓。
好多朋友都知道我，一鐘意聽一首歌就會不停repeat，成晚淨系聽一首歌都唔會厭，就系咁，我足足聽左三晚濃情化不開﹗=P
我有個朋友問我，發唔發覺同一首歌，系街度播同系屋企或自己既mp3 player播，比你既感覺系好唔同架？佢話系街度聽到首歌會特別覺得好聽，但系系屋企或者系mp3聽，聽得兩三次，就會覺得都系不外如事啫。可能我系歌癡，我聽來聽去首歌都唔會厭，所以當時唔系好明佢既意思，但我番到屋企再諗，我就明白個中原因。平時你系街度，經過D boutique，或者系收音機度聽到一首歌，個一刻，你只會有機會聽到一次，所以你分外覺得好聽，但系當你擁有左個張CD或者個首歌之後，佢永遠都系度等你，你想幾時聽就幾時聽，所以你就唔會再咁珍惜聽到尼首歌既機會，咁佢就會變成不外如事啦﹗
唔知人系咪就系咁既呢，當你只可以擁有佢一次或佢就尼離你而去，你就會更加愛惜佢，但當佢留系你身邊既時候，就唔會珍惜佢呢？

*重聚時 但怕這記憶 要消失了才珍惜*