才子

上一個星期，睇娛樂新聞眼(類似節目)時，睇到關於周慧敏開演唱會既報導，講到倪震系周慧敏既演唱會中扮演一隻豹貓向周送花及說出<最愛周慧敏>，周慧敏當然感動得流淚啦﹗事後既訪問中，周小姐講到其實佢系唔知倪震會扮貓，而且最令周慧敏感動既系，以倪震咁既性格，佢系唔會咁做，冇錯.....因為倪震曾經講過<我系才子尼架嘛>﹗
一個才子，系有一定既形象(我自己覺得 =P 型!!)，倪生甘願為周慧敏再開演唱會而幫手打理屋企事務、咩都以女朋友為先、甘願扮周慧豹，看....一個多麼深情的一個才子，我睇到都好感動。
記得當年倪生系YES用文字擊退情敵亞毒瘤，真系一個好激既行為，但我非常欣賞倪生既敢愛敢恨，finally he got rewarded! -- 一個甘願為佢放棄如日中天既事業既女人，所以話尼，要得到先要學識去爭取﹗連爭取既勇氣都冇既，U deserve nothing!

我祝福你們!!

道歉時間表

今日有位大爺好糾胆咁激嬲本小姐.....你死梗啦﹗

事原今日食飯，我地傾到一個位，我講左一句唔系出自本人意思，即系只系覆述別人的一句說話，佢就好大聲咁呼喝我啦...(又未至於呼喝既.... 介乎呼喝與大聲表態之間啦... 我中文程度差... 唔系好識形容) 總之佢好激動加大聲同我講野就唔啱!!!!!!!!!!!!!!!系人都知我幾3號架啦﹗面皮好薄架嘛﹗又好鬼死要面架嘛，點可以咁大聲同我講野呀﹗仲要加激動+呼喝喎...... 唔得! 唔得﹗唔得﹗系咪想死呀﹗又唔系我錯，我梗系唔認錯啦，我仲要嬲添呀，我唔出聲.... 唔出聲... 唔出聲.... 佢都唔知死喎，仲要繼續同我傾偈喎...我梗系用十級敷衍既態度去對付佢啦﹗佢系知我唔妥佢架啦....但系佢就系一直唔同我講對唔住..... 我咪唔理佢.... 繼續敷衍..敷衍...再敷衍囉... (強項)，咁系你唔啱呀嘛﹗堂堂一個男人，連講一句對唔住都唔識講呀？你又唔系唔知本小姐脾氣... 你肯立即say sorry，我會即刻冇事.,...但系如果唔即時解決... 你死梗啦.... 你遲一日say sorry，我都唔會睬你呀﹗因為你冇誠意.....我會仲嬲.... 唔知錯.... 就系大錯特錯!!!!!!!!!!!

我自問系一個好易話為既人，但系如果你唔即刻道歉.... 咁你每一日既代價會愈來愈高..... 你自己諗過啦.....

PS: 忠告所有身邊朋友.... 如果我唔出聲或出動敷衍尼一招既話... 你就好問問我系咪嬲左你地啦.... 然後即時Say句梳就可保你(全家)性命，如果你遲一日....遲一日.,....再遲一日.... 你.....諗吓自殺好過啦!!

我愛潘Sir

由第一日認識潘sir，已經好鐘意佢，(嗱﹗我要聲明﹗系尊敬老師既鐘意)，我系之前既blog都有提及過佢(即當娜個好老公--泰迪)，佢系一個好好既advisor，同佢傾偈可以學到好多，得到好多，之前我去完上海之後，有一件好重要既事要seek for advice，我一落機第一個就打比佢，約佢第二日出尼見面，可想而知我系幾信任佢尼。

同潘sir傾偈好舒服，佢比好大自由度你去思考、去做決定，佢會同你分析事情既利、弊，講好多例子比你作參考，然後等你自己去諗，真系好好﹗識到一個咁好既老師朋友，真系我既榮幸﹗

多謝潘Sir!! =)

青春期.....我仲系咩？唔系呱??

我既大部份朋友都會知道，我系患有內分泌失調架嘛，所以導致面上面好多粒粒，好肉酸..... 曾經食過一輪避孕丸，塊面系靚左好多，但系身型暴漲......仲肉酸.... 所以唔敢再食，所以一路以尼，都由得佢生完又生，攪到我下琶個個位一撻撻，耐佢唔何...... 喊!!

兩個星期前，亞胡太突然買左盒<青春白鳯丸>比我食，我一個反應系..... 亞胡太... 咪玩啦﹗你個女三十都尼緊啦，仲青乜春呀？佢話佢聽到個中點話個中點個女食左冇晒粒粒，所以買比我試吓喎.... 我起初都唔系好想食.... 覺得咪攪咁多野啦﹗但系胡太買左都冇計，焗食.......

試驗左兩個星期之後.... 我發現....系好喎﹗D粒粒系明顯少左(touchwood)，就算我勁夜訓，食煎炸野,......都保持到喎﹗所以我想推介比同我個case差唔多既朋友... 真系幾好架﹗純中藥﹐試試呀﹗(其實D藥對我咁Work... 咁系咪我仲系15,6歲青春期少女呀？.....嘩﹗好驚﹗)

另一樣想同D姐妹分享吓既，近日睇亞視婦女生姿節目時，(系﹗我依家系無聊到要睇尼D節目) 有個中醫介紹水腫，其實本人都系長期水腫人，我以為系我身體有問題啦﹗原來....系我飲食習慣有問題.... 系尼.... 你都覺得好奇怪呢.... 我平時食野食得咁清，又唔食煎炸野，又唔食得咸... 點會有問題呀.... 原來就系因為我食得太清，血液冇氣運行..... (中醫解釋左一輪...唔記得佢講咩啦) 總之，佢就推介食少少煎炸野，炒菜而唔系齋灼菜...咁就唔會水腫架啦..... 嘩﹗系咪攪笑呢？所以近日如果D朋友見到我食煎炸野..... 個口唔洗"mark"得咁大啦﹗系...冇錯...我系會食煎炸野既....嘻嘻﹗

門障

我患左門障....出門口障礙 (智障=智力障礙)

我終於知道，點解我以前有工番，都冇依家唔洗番工咁趕，次次約親人都系趕頭趕命，因為我患左<門障>。我發覺我系公司出發去赴會系好少遲到或者好趕咁架，但系依家日日都系由屋企出發咁就大件事啦﹗忠實既讀者都知PP我系一個hae人呢架嘛，系屋企呢，無論幾早起身，幾早準備出門口，到最後.,..... 都系會...... 遲........唉!! 有時都唔系好知點解，系屋企就系唔願郁，唔願出門口，攪尼攪路，都系唔出門口，如果屋企冇人仲大獲，隨時除消個約會，hae晒系屋企，所以..... 次次到最後.... 都系要出動紅色.... 唉!! 鬼叫我唔鐘意遲到咩﹗真系.....晒錢.....

hae原來系好貴架﹗大獲啦!!!!!!!!!!!!!!!!!! 親，救我呀﹗

鳴謝：馮姑娘提供智障正確學名﹗

放縱.....

唔開心，所以想放縱，放緃後，又會好失落，何苦呢？

提子少女

我發覺......我系一個提子少女

我發覺逄系有提子既野，我都鐘意食，提子包、提子餅乾、提子朱古力、提子雪糕、鮮提子.... 救命﹗我發覺我每一次食，都會停唔到口，到最後，我會揀晒D提子尼食，掉左D包、D餅乾...好變態。好多人都話，咁點解唔買盒提子干食啫，我有試過，但系原來唔好食，D提子系要癡住D野先好食.... =P

停唔到口超愛食品：

東海堂既咖啡提子包
A1既合桃提子包
Haagen Dazs 既Rum Raisin
吉百利既提子朱古力 (雖然D朱古力唔好食)

PS：今朝又食左半個咖啡提子包啦.... 勁飽﹗

系屋企高茶---攪笑

今日約左亞佐治web cam conference，而我又想高茶喎.... 所以我諗左條計仔，就系系天娜屋企一路高茶一路同佐治開會啦﹗我買左好多高茶必備既野.... Scone, Cheese Cake, Sandwiches, Fruit Tarts...而我亞親仲攪笑.....準備左高茶杯及刀义.... 仲要有咖啡(即沖個隻)，大家入戲到暈﹗最後，我話我要影相...佢就彭彭聲著番件靚衫、梳番個頭加搽唇膏，靚晒﹗(但系下身都系著住一條系屋企先會著既梅得得短褲﹗) 好攪笑好攪笑....

系屋企High Tea原來系咁好玩架﹗好開心呀﹗
(佐治話我地好小朋友，玩煮飯仔咁喎﹗哈哈﹗)

以下人類.....請勿接近我

1. 鼠
2. 雙子座
3. 九型人格：8 號

I'm a Dove

If you are a Dove:You symbolize a very happy-go-lucky approach in life.Whatever thesurroundings may be, grim or cheerful, you remain unaffected.In fact,you spread cheer wherever you go. You are the leader of your group of friends and good at consoling people in their times of need. You dislike hypocrisy and tend to shirk away from hypocrites. They can never be in your good books, no matter what. You are very methodical and organized in your work. No amount of mess, hence, can ever encompass you. Beware, it is easy for you to fall in love....

ACCURATE!!

自命清高的人 -- 是我

我今日做左一個心理測驗，覺得勁準﹗

你擁有非常堅強的意志，不依賴他人，給人獨來獨往的印象。你擁有旺盛的好奇心與豐富的感受性，是個過著知性生活的現代人。驟看下你是個自命清高，不好相處的人，但是一旦跟你交談後，就知道你很好相處，等到交情加深之後，就更知道你其實擁有很爽快的個性。你所擁有的中性化魅力，讓你不論在男性團體或女性團體都大受歡迎，不過你不喜歡讓人看到你脆弱的一面。你外表上看來也頗冷靜，但實際上卻是熱情如火。能夠知道你真正本性的人，才能夠跟你天長地久地交往下去。

我鐘意<自命清高>，好型呀﹗哈哈哈哈﹗其實之前有一位識得睇面相既朋友都話過我系一個<孤芳自賞>既人﹗我愈來愈覺得.....不過... 佢既interpretation唔系咁反面既.... (可能佢唔好意思hurt到我呱)﹐佢話<孤芳自賞>既人起碼唔會放棄自己，要不斷進步，咁我諗我系囉﹗hehe!!

<能夠知道你真正本性的人，才能夠跟你天長地久地交往下去。>

我系3同9

嘩嘩嘩﹗尋日上左一個叫生命密碼既講座，原來我自己真系咁3同9架﹗

3號人
-- 思想敏捷、變化力強、良好溝通能力、有美感及藝術品味
-- 自尊心強、要面子、太在乎別人的評頭品足、把愛收藏
(speaker interpretation：大浪漫主義--如果要追3號人，做晒所有浪漫野就追到架啦，(同我之前寫自己一樣)、唔受得氣(面皮薄)，鐘意將最好既比人睇，所以活得好辛苦)

9號人
-- 聰明、有內涵、包容性高、觀察力強、體諒人、寬容的、從不與人結怨、慈悲心腸
-- 獨善其身、獨行俠、過度包容別人的過失
(speaker interpretation：過著隱士的生活 (指我的間歇性自閉症)，對未將抱不信任態度，所以今日開心就享受左開心既時間先，去左旅行先算，去完先番尼搵工 (妖)，如果有人向9號求婚....死梗... 佢地會講 "咁分手啦"，(除非搵到一個比到安全感佢既人)，鐘意hae...hae and hae.....)

聽完之後，真系好鬼死了解自己，並更加確定自己好3同9囉﹗
最激死系咩呀???? 咪就系D朋友一聽到Speaker講3同9既衰野既時候，大大聲咁話 "嘩﹗超準呀﹗" ............... 系人都知我系咁啦﹗你話激唔激死呀？D朋友真系好囉!! (i：斜bear)

冇工番仲忙

我成個月冇番工啦﹗之前就去左越南同泰國旅行，番到尼一路都冇停過，唔番工仲忙過番工，都唔知點解，日日都好趕，我已經日日都系咁早起身架啦﹗但系都好似有做不完既工作咁﹗我希望過埋今個星期會好D啦﹗

好老實講，我做左6年野，從來都未試過放假放咁耐，淨系識得番工做野，冇休息過，但系尼次休息，休到我唔系好想番工，HAHA.... 原來唔洗番工系好舒服架﹗平時放假去街勁多人，依家平日出街好舒服，又唔洗同人迫，系屋企煮吓野比屋企人食，每朝嘆吓早餐，悠悠閒閒﹗不知幾好﹗依家唔理LU，下星期去完上海玩完先再搵工lu.... (9號嘛﹗heheh)

我愛爸爸媽媽

尋日同左爸爸媽媽去左南丫島行山，好悠閒，好開心，因為亞胡太突然唔洗番工(打麻雀)，所以我彭彭聲安排活動比我親愛的父母，我爸爸系一個超級active既人，鐘意周圍去，而媽媽就鐘意留系屋企，所以如果我唔提出去，我亞爸就會好慘咁，一系乖乖留系屋企，一系就自己一個人出街，我亞媽絕對系唔會陪佢架，所以我特登迫亞懶豬胡太去郊遊，實行家庭旅行﹗

你知嘛﹗爸爸幾鬼開心呀﹗一路non-stop講野又講野..... 我同亞胡太好間唔時先答吓佢一兩咀，但系佢已經好開心啦﹗你知嘛﹗我地一路行山一路傾偈，我發現，原來亞胡太系好想我多D時間陪我架，我無做野一個月，佢從來都唔過問我搵工搵成點，佢仲Request我陪佢去邊去邊添呀﹗個一刻... 個心有一刻酸，原來我一直都冇乜放時間系家人身上，而亞胡太真系老左好多，佢好想我多D時間陪佢，Even佢平時好似好堅強咁，但都系好想我去陪佢、關心佢﹗

我覺得我辭左職先搵工系好正確架，因為我可以spend my time with my parents，同佢地一齊去旅行，周圍去玩，傾吓偈﹗佢地原來系好需要我架﹗所以我都系唔急住搵工lu.... hehehe!!

越南之旅

上個月尾陪左亞大胡生同胡太去越南旅行，本來諗住去探亞姨既，但系去河內既團開唔成，咁我就同爸媽講，不如你地自己去北京啦﹗(因我已去過)，但胡太就話唔去，因為佢其實唔系好鐘意去旅行，唉﹗但系佢唔去，咁即系攪到亞大胡生冇得去玩既啫，唉﹗我亞媽真系好鬼死煩架﹗都唔諗吓佢老公既感受，所以最後，唯有我陪佢地一齊去胡志明玩啦﹗(我唔去，亞爸就冇得玩，真慘﹗)

其實一路攪旅行比佢地去玩，我就一路激氣﹗首先，去越南要做簽証，我問兩位大帝攞張相啫，佢地竟然話 "乜咁煩架，唔去啦﹗" 嘩﹗嬲到我跳起，大佬呀﹗錢又唔洗你比，野又唔洗你去攪，只系叫你比張相尼啫，都話煩，激到我爭D斷氣咁濟，之後，我亞姨又發我脾氣，埋怨我做乜唔去探佢，大佬呀﹗個團開唔成都唔關我事架，你個度咁偏僻系咪先，再者，我帶住爸爸媽媽，你又淨系得星期六日先得閒，咁平日邊個可以照顧我地呀？唉﹗你話你想見我，但系我叫你去泰國Meet我，你又唔濟，點解成日都系要我就人，冇人去就吓我，點解點解點解呀??????????? 我諗到尼度，我真系好想喊﹗

好彩﹗去完個旅行之後，爸爸媽媽都好開心，佢地都讚個團好，咁已經好好架啦﹗
我都玩得好開心，除左識左兩個朋友之外，因為好多aunties同uncles都讚我乖，肯陪父母去旅行，又照顧周到﹗唉...... 我都真系覺得自己好孝順，脾氣好到不得了，一路D難頂位都冇發脾氣，你知嘛﹗我都比左個感動位比我亞媽架﹗事原我同亞爸都唔食得海鮮，但系我亞媽又好鐘意食喎，咁我就約埋其他團友，陪我亞媽一齊去食，佢地個個都諗住系因為我想食所以約，但系當去到間海鮮店時我咩都唔食，佢地就覺得我好好，我亞媽都系D團友面前讚我乖﹗哈哈﹗

其實可以同爸爸媽媽一齊5日5夜都真系好難得﹗

分手季節

嘩嘩嘩﹗唔知點解，近日身邊好多朋友都分手喎，唔系好似個job market咁，因為經濟好左，大家轉工之餘又換畫呀嘛？哈哈﹗不過好老實講，有兩對朋友分手我系開心既，因為尼兩段關系都系名存實亡，分手系對雙方都好，而且我見到佢地分左手之後開心左，就知道分手系一種解脫。

其實我都唔系好明，點解要拍拖，拍拖其實好唔開心，好煩既事，又要付出，又要被激嬲，又要喊，又要互相遷就，又要煩﹗開心既事又唔見得多好多咁喎，都唔知攪咁多野尼做尼，做朋友咪好囉，開開心心，嘻嘻哈哈又一日啦﹗

所以我地為分手而萬歲先﹗YEAH!!!!!!!!!!!!!!!!!!!!!!!!!!!