番屋企食飯....好矛盾
其實我好鐘意番屋企食飯，因為我鐘意一家人一齊食飯既感覺，但系.....唉﹗每一次番屋企飯，我又會後悔番左屋企食飯，第一：系媽咪煮既餸好咸，或者咁講啦，可能唔系好咸既，只系我本人不嬲食野都系好清淡，唔系好食得太咸太油既野，所以平時我番去食飯，亞胡太已經分開煮比我食架啦﹗但系都系重手左囉﹗第二系.......(本人問題呱) 我食野不嬲都比一般正常人慢，而我既家人.......um.....食野都比正常人快，相比下，我就食得異常慢啦﹗同佢地食飯就好有壓力，有時食食吓，亞媽就會話，亞女，你做乜唔夾D魚食呀？做乜唔食呢碟呀？.......呀@!!!!!!!!!!!救命呀﹗人地都食唔切....可唔可以慢慢食呀？食得條菜呢，又食唔切D魚，比D時間我好嗎？唉...... 好啦﹗當佢地食完呢，就會散開，而我... 又獨自一個人食飯啦﹗我可以享受既<一家人食飯時間>，只系短短既10至12分鐘到﹗唉......亞媽又要等我食完先洗碗喎，所以有時我番屋企食飯都唔知為乜架﹗我唔知系咪真糸我既問題呢，我發覺，我身邊所有朋友食野都好快架...... =( 唔開心呀﹗
原來我在乎
聽日就會系我系尼間公司既最後一日，系尼三年裏面，發生左好多事，大部份都系唔開心既，我一直以為，even我走，我都唔會唔捨得，因為我系尼間公司過既日子系最唔開心既﹗但到左今日，即將要離開啦，我先發現，我對佢系有一份感情，系會唔捨得。
我曾經離開過尼間公司，然後再番番尼，依家再走，我承認，我當初再次番尼，系想逃避，不竟當時系我(直到當時，touchwood)人生最唔開心既時間，我只系想有一個地方比時間我穩定番我既心情、我既生活，但系最後發現，原來逃避，只會系耽誤你既時間，勇於面對現實，積極去改變先至系最快離開痛苦既最好方法。
我系尼間公司經歷過人生一次好嚴峻既人事糾紛，好似經歷左三年零八個月既抗戰咁，個次令我成長左好多，所以今年再次發生差唔多的(細型)事件，我可以好輕描淡寫咁處理，所以就算一D唔好既經歷都系一種好既經歷，令到你學懂點去處理，點去面對，回想起個段不快既日子，我真系好感謝一直支持我既郭生同老細史提分，對於佢地兩位為我擋箭既恩德，小女子真系沒齒難忘。
回想尼三年，最開心既日子系第二年同郭生一齊去德國出trip，我從來都未試過，出trip可以咩都唔洗做，咩都唔洗理，有人幫我安排好晒，我再唔鐘意睇地圖又有人幫我睇，郭生﹗多謝你﹗你系我出左尼做野咁多年，對我最好既同事，我好感謝你對我既照顧，好多謝你容忍我既霸道﹗多謝你﹗雖然你系一個木頭既山羊座，但系我知道你真系好鍚我﹗=p
最令我不捨得既系我親愛的客戶，我唔走，都唔知道原來佢地系咁愛我架，我睇到佢地既email，我真系感動到喊；有一D客，平時為左出貨、價錢問題，同你鬧到你死我活，但系原來，佢地系好關心我架，有一個客好攪笑，(千祈唔好話比老細知)，佢話佢覺得我系好Smart，但系就系我冇乜野心，所以limit左我既發展，嘩﹗勁攪笑﹗比老細知道一定嬲死佢。(個個客同老細勁熟架﹗哈哈哈哈﹗) 另一個客，平時好cool，但系就寫左一個幾長既email(相對平時既email)尼讚賞我，連老細睇到，老細都走尼同我講，"佢(個客)做乜咁有心機寫個email呀？仲要寫得咁好添" 哈哈﹗好攪笑，(唔底得﹗hahahha) 最感動系佢寫 "xxx (my boss name) has been lucky to have had you for this time" 平時只有我同人講 "I'm so lucky to have you (my friends) in my life" 但系從來都冇人同我講，"我好幸福因為有你" 我終於得到認同，被肯定既感覺多美好﹗
我唔知我前面既路會系點，但系我會樂觀去面對，努力將D時間追番尼。
系尼度，我要感謝一路陪住我走尼段路既所有人，你地既支持，永遠都會留系我個心裏面﹗
多謝你﹗I LOVE YOU ALL......
太多過去的男人-我受不了
隨著年齡增長，人就會愈來愈多經歷，愈來愈多過去，尼個系不能避免，但系.....如果自己個男朋友太多過去，我諗我真系唔系好受到﹗如果當你知道佢以前同過幾多個女仔拍拖，同過個D女仔有過D咩經歷，which is 一D令佢一生難忘既事，嘩﹗咁就死啦﹗當你同佢行或相處既時候，佢唔出聲，好似系度唔知諗緊D咩既時候，你就會不自主地諗.... 佢一定系度諗緊以前同邊個女朋友既野.... 或者.... 之類之類.... 心情少不免要受苦﹗我亦覺得，咁樣對現任既女朋友好唔公平。我承認我系一個好霸道既人，我唔可以系一個男人心目中只系排第二﹗如果系咁，我知道個個人只會系我生命中既一個過客﹗唔會有結果﹗在此，我勸諫我身邊既男性朋友，過去就由得它過去，可以忘記的都忘記左佢啦﹗緬懷只系一個你放唔低既藉口，要珍惜你現在擁有的，如果唔系....又一個失敗既過去又會發生，週而復始...... 你永遠都唔會得到幸福﹗(PS: 如果暫時不能忘記，就扮忘記左啦﹗唔好比女朋友現，唔好話佢知你既過去，扮一張白紙啦﹗不過.....................請緊記!!!!!!!!!!!! 尼個只系暫時方案，長遠你系要努力去忘記過去，好好珍惜現在所擁有的一個﹗知嘛？)
