渺小的我

尋日同我asst食飯，佢同我講，佢打算下年開鋪頭做老闆，對我做成好大沖擊﹗我一路以尼，都覺得佢系一個無乜理想，只系等嫁既女仔，我成日都教佢一定要有自己既目標方向，唔可以成日淨系等嫁，但系尋日佢同我傾計，佢話佢本來都系諗住等嫁，但系佢男朋友同佢講唔打算咁快結婚，佢男朋友鼓勵佢找尋自己既理想，佢就同佢男朋友講：嫁人咪就系我既理想囉，佢男朋友答：嫁人系要另一方去配合先可以達成既事，所以唔算系自己既理想，嘩﹗我覺得好啱呀﹗所以佢依家學緊做生意囉﹗

唉…我覺得自己超級渺小呀，我尼D人，好似好叻咁，但系xx歲人仲未搵到一份自己鐘意既職業，又冇一個長遠既目標、方向，又唔系等嫁，唉﹗好沮喪﹗經過尋晚之後，我諗我要重新評估吓自己﹗

我的愛你能承受嗎？

我承認……我是變態的﹗

(可能其他人唔應同) 我覺得我浪漫架﹗
我變態既地方系，我濫用自己既浪漫、心思，去為自己鐘意既人做好多好多野，其實另一方系咪鐘意，系咪欣賞，自己從來無做過評估，一直以為，我做既野，佢一定會鐘意，一定會開心，一定要appreciate，如果人地比唔到應有既反應比我呢，我會十級唔開心，然後持放棄態度，唔多理佢，唔再為佢做任何嘢，以牙還牙，十問九唔應…….嘩﹗好變態呀﹗

我系一個…..如果決定去愛，就會好愛好愛，出盡力去愛既人，但我諗唔系人人都頂得順我，千祈唔好誤會我系一個十級<痴>身既女朋友，(反而系長期比人投訴唔見人)，而系會攪好多野出尼，比你知道我有幾愛你，但系又要人比反應喎，死未﹗日日都要比反應好慘過喎…..(好似系… 但我又需要人認同我做既野喎)(超級變態!!!!)

我唔知呀﹗我成日都覺得<愛>唔系得個講字囉，系要用行動去證明，但系中國人好似欠缺左一點行動性，所以本人唔系太欣賞。

如果每日只系傾下電話，星期六日行下街、食吓飯、睇下戲，咁…..我想問問… 同普通朋友有咩分別呢？

其實最後引申一個問題 ---- 其實點解要拍拖架？