鎖匙

每個人最少都會擁有一條鎖匙，有D人就會有兩條或以上，但系我地對每一條鎖匙既感情都唔會一樣過喎，對於我尼講，我對自己屋企鎖匙既感情系比較冷淡既，因為日日都會用佢，同埋我系必然既擁有者 (如果唔系同屋主亞媽鬧大大交既話)，所以我唔系好重視尼條鎖匙；而其他人可能會有自己公司鎖匙、車匙等等，由於都系必然擁有者，所以重視既程度都唔會大得過一條別人送贈既鎖匙。

人家送你一條鎖匙，表面上系表示你擁用此條鎖匙所能開啟既物件，但背後有著更深一層既意義，系代表送贈者願意將他擁有的跟你分享，願意給你進入他的世界，系你系佢心目中地位既肯定。

我曾經擁有過兩條鎖匙，一條系一個人屋企既鎖匙，另一條系一個人既公司鎖匙，隨著感情既流逝，尼兩條鎖匙已經物歸原主啦﹗而上個星期六 2006年1月21日晚7點45分，我得到我人生第三條鎖匙﹗我知道我可以Keep住尼條鎖匙一世﹗even條鎖匙既主人嫁左，我都可以換番一條德國房既鎖匙，佢對我既保障系一生一世既﹗我相信﹗

PS：系尼度，我好想多謝曾經比過我一刻感動既兩個人﹗

PS2：如果鎖匙同介子比我揀，我會揀鎖匙。

什麼時候終止回覆

我諗大家平時都會send email比D朋友s，大家問候吓，報告一下大家既近況咁，但系有冇諗過，究竟幾時先終止回覆email呢？嗱，首先第一封會問"你好嗎？"，繼而會報告下自己既近況，之後個個人就會回覆番你，佢近來又點呀，再問番你幾個問題，咁你收到之後又答番佢，之後你又問... 佢又答.... 來來回回，幾時先停呢？好多時其實傾到冇野再傾，但系又唔想做終止個個喎，好似好唔好意思咁，但系又真系唔知可以再講D咩.....

又或者你問左佢一D問題，佢好清晰咁答左你，而佢個email裏面再冇問題，咁但系你仲有好多問題喎... 咁你仲覆唔覆佢好呢？最怕就系人家唔系好想再繼續同你來來回回，你又繼續問落去，好似好煩咁.....

大家有冇以上既經驗呢？我都唔知答案，不如大家話我知你地既睇法呀﹗謝謝﹗

我的親 (送給你)

其實一早已經想系尼度介紹一下我亞親架啦﹗但系我又想組織得好少少先，所以一直都拖拖拖，好啦﹗最後，我出殺手鐧，upload左個標題先，迫自己要系一個星期之內寫好，(依家D讀者對我開始有要求架啦﹗Upload左個標題就要彭彭聲寫番D野落去架啦﹗唔系會比人話架﹗) 佢對我何等重要，我諗佢會Feel到呱。

我亞親原名艾美，又名Bmy/Tina，"亞親"尼個名只系一對戀人拍拖時互相稱呼對方既暱稱，等如人家叫自己個男/女朋友做BB咁.....(肉麻野)，我地相識於2年前，佢系我前公司既同事，當時，我同佢既實質距離系一片partition，但系心與心既距離系一萬像遠囉，因為當時....我心裏面只得亞Bi，(我系一個好專一既人尼架，心裏只能容得下一個人，hohoho﹗)，其實仲有好幾個原因既，當時公司既形勢系以我同亞Bi一組及R經理一組既對立局面，當時我亞親仲系新人，被金魚佬R經理"厄"左，誤入歧途都系情有可緣既，咁我個組不嬲都唔妥R個組，所以形成我唔系好同亞親傾偈加玩，只得我得體既亞Bi同一D善良既同事會同佢傾下偈囉，由於我亞親系異常聰明架，所以佢好快get到我個組系公司既勢力系好大架，所以.....佢慢慢都疏遠R而偏番尼我地尼邊啦﹗但系.......我一直都對佢冇乜好感，因為佢為人比較直，又冇大冇細，常常反客為主(雖然我都系，但系佢冇大冇細既程度系比較嚴重架)。所以我系個間公司期間，我地都唔系好熟(可以話系冇乜兩句)。

直到我離開左間公司，有一日我12點幾開MSN，同佢爹左兩句，就話約出尼食Tea啦﹗嘩﹗個次茶令到我地既感情跨進左一大大步，我地個次茶，傾左足足兩個半小時，傾左好多關於自己既野，發覺到大家系好多方面既睇法都好相同，大家之前既一D經歷亦都好相同，大家都有一個S啦，哈哈哈哈﹗就系個次之後，我地就成日約出尼玩。

但系我地一直都系朋友關系囉，直到有一段時間佢好唔開心，我又送花又msg，又為佢製造一個開心生日，我諗就系咁.... 所以佢愛上左我呱 (應該系....hahah，我D追女手法都幾得架﹗如有邊個朋友需要追女秘笈，電我啦)，就系咁，我地就一齊左啦﹗

但系我當時都仲未好愛佢，直到大家一齊番碧桂園，嘩﹗個次之後，簡直愛得佢要死，嗱嗱嗱﹗你唔好睇我亞親平時咁cute(扮可愛)，好多時都要我照顧佢，要幫佢做決定，但系其實佢系一個好英明既女人，佢既crisis management簡直令我讚嘆不已，由個次開始，我就好鐘意佢啦﹗(平時扮蠢既(聰明)女人咪就系得人鐘意囉﹗app^^re^cia^te)

其實我地段感情都唔系咁順風順水架，有一段時間，我地冇聯絡，因為佢做左一件我好唔認同既事，我當時真系好嬲，嬲，系因為佢唔愛惜自己，唔愛惜其他人，太任性，好嬲好嬲，但系最後我又心軟，明明話唔再理佢，但又唔捨得，最後都系我讓步﹗激死我﹗

直到依家(據聞)我終於可以得到佢屋企既鎖匙啦，我既地位亦被肯定啦﹗(i:谷眼淚)，都系因為一個佐治，話說上年我系澳門認識左佐治，佢尼香港玩既時候，我叫埋我亞親出尼，就系咁，佢地就(非正式)訂左婚啦﹗佢一直對尼段感情都好疑惑，成日都好負面，但由於我好愛佐治，又好愛亞親，我好想佢地兩個都得到幸福，所以我一直系佢地兩個身邊開導/解佢地兩個，(唔知我付出既精神、感情同時間你feel唔feel到呢？)終於.....系上年十月，佢地兩個確定左對方既位置啦﹗(而我當然開心到喊左出尼啦﹗(如果讀者們有睇我之前既日記都會記得﹗) 開心除左系因為我一對朋友搵到佢地既另一半之外，我仲可以得到一生屬於我既一整間房，實在太感動啦﹗)

其實我覺得我亞親好攪笑過喎，佢咁精靈又叻，其實可以系一個女強人，但系佢就系一個layback既人，冇乜事業心，但系都好既，搵到一個好男人咪就系佢既終生事業囉呵﹗哈哈﹗我衷心祝福我亞親及佐治﹗

註：我愛她的(扮)嬌俏，愛她的大家姐風範，愛她的豪邁，愛她的幽默，愛她的得體﹗
註二：其實我唔知我系佢心目中既地位架，因為佢好多親密朋友，我都唔知我排第幾，我成日都覺得我個位置都唔系咁高架咋，尼樣野系令我最唔開心既，可能我個人比較霸道啦﹗我一定要系第一位架﹗(i:Mr.F) 我又要名又要份﹗
註三：我(同佐治) 唔愛佢唔覆email，唔寫字，唔浪漫﹗ 成日諗得太多﹗
註四：我今日收到email﹗哈哈哈哈﹗

開心因你開心

尋晚我同我一班至愛OCs食飯，慶祝我亞顛及Teddy一月份生日，好開心好開心，嗱嗱嗱﹗好老實講，本人不嬲都鐘愛D&T既，佢地兩公婆確實帶到好多歡樂比我地，我勁鐘意聽Teddy講野，因為好好聽，(真系好好聽架﹗Super Fan)，而Donna既可愛程度簡直令人會心微笑，所以尋晚一開場已經勁開心啦﹗

尋晚好多話題都好笑﹗

最後，我將我準備左既手作仔送比我至愛既糖糖、之姑、亞顛同當娜，嘩﹗They almost cried when they got the gift!! 哈﹗雙魚座既當娜當然交足戲比我啦﹗加埋巨蟹座既糖糖，一人鍚幾啖，氹得我幾開心呀﹗hahahhaha!!! 亞顛同亞之姑太遠啦﹗心照啦﹗hehe!! 尼份禮物我想整左好耐架啦﹗系一份見証我地5個系尼一年裏面一同經歷既日子，系我地友誼既見証﹗我見到佢地咁開心，我真系好開心呀﹗我終於知道我既快樂泉源系邊啦-----我既朋友呀﹗I love U All!!

我諗.... 我是可愛的﹗hohoho

近日有位讀者留言比我...
jchie 提到...
真正吃香的女人其實是可愛的女人。美麗、善良、溫柔、体貼、智慧、幽默 統統有齊才能成為可愛的真女人。 其中一項得分低(甚至零分)都不能成為可愛的女人。
其實男人又何嘗不一樣?

我諗我有齊以上特質架﹗hahaha (起碼..... 冇一項系零先囉) =P
美麗........見人見智啦..... (我由此至終都覺得美麗與否根本唔重要﹗男人真系男人，唉﹗)
善良........都 above average 架
溫柔........er............一時時啦....通常會對住一D強人我先會囉.....(因為明知唔夠佢地強...咁唯有溫柔啦，反正自己既可塑性又咁高﹗hohohohohohohoho)
如果體貼等如細心.... 咁.....強項﹗hahha
智慧.........ok啦......
幽默囉喎........唔洗講啦﹗he!!
所以.....總結..........我是可愛的 (n_n)

至於男人.....
幽默、乾淨整齊、善良、知識廣博、大方得體

(Open to discuss!!!) Yeah!!
PS: 有齊晒以上特質唔代表你會有男朋友/女朋友架﹗

我太善變

唔知系咪因為我個星座同血型唔系好夾尼，所以攪到我好善變，但系善變只局限於我對一D事既反應，例如，本來今晚PLAN左去邊度食飯，我有可能去到個間餐廳門口先突然改變主意，要去另一度........ 好多時都改變主意.... 另一個說法可以話：我做決定比別人快而已﹗

但系......我對人，對物又唔會有善變既行為出現過喎，例如我決定鐘意你，當你系我朋友，我會鐘意你囉，用心去鐘意你，終結只會系別人唔珍惜我而去囉... =P 對家人更加唔洗講啦﹗對物仲攪笑，我如果愛上左著個件衫，我系會系佢未爛已經叫人去再做多一件一模一樣既做後備個D人 (provided that身材冇變)，牙膏一定要用Colgate原味，歌..... 每一段時間只會聽一首既啫﹗不繼repeat又repeat，幾專一架﹗hahha!!

我善變嗎？

幽默感

好多時，D人都會愛上靚既女仔，但系"靚"值幾多分呢？可以睇幾耐呢？如果我系男人呢，我就會愛上一個有幽默既女仔囉，平時做野已經好辛苦架啦，放左工，都想開開心心架，休息下，但系你想像一下，如果你個靚靚女朋友系一個木人，又或者系一個刁婦，又又或者系一個囉唆王既話，嘩﹗咁.......我寧願死左佢啦﹗但系如果你身邊個個系一個風趣幽默既女仔既話呢，說說笑比你聽，令你忘憂，你話幾好呢﹗人地話，愛情既感覺最多只可以維持一年半左右，咁結左婚點算好呢，廿幾卅年咪悶死，所以呢﹗在某程度上呢，搵老婆或老公呢，有幽點感都系比較好架，起碼唔洗悶呀嘛﹗

系我既女人當中，有幽默感既只得兩個(我指...系識得on top of my攪笑位加上自己既創作)：我的親同埋BB (所以好愛好愛)

PS：我估唔到原來你都咁攪笑架，仲要識得用位對位方式回應我添﹗叻叻﹗
PS：今晚開mailbox時有緊張既感覺，覆唔覆好呢？如果聽日見唔到email我咪會好唔開心囉﹗
PS：今日傳生要飛啦，雖然近日勁唔妥佢，成日大安旨意，但系都希望佢平安番尼啦﹗

今日已經好開心啦﹗

今日收到你的電郵，真系好開心呀﹗原來我地已經一早認識 (你識我，我唔識你 =p)，我都唔知﹗真系慚愧﹗最令我驚訝既系，你竟然記得我系MC，仲要知我早走，無去到個酒會添，哈哈﹗我尼個無名小卒竟可得到你既留意，真系感到好榮幸﹗
對唔住呀﹗睇到你個署名之後，先知原來你系咁大名鼎鼎，希望你唔會怪我尼個黃毛丫頭無大無細啦﹗
澄清1) 我系YAHOO set左個署名，放便我出email，唔系有心曬架 =(
澄清2) 你上次淨系比左一個電話我咋，系真架﹗

請振作!!!

一段感情，如果你已經盡左力而最後發覺得唔到合理既回報，你就要問問自己，你仲系咪好鐘意尼個人，如果仲系好鐘意既，就唔好去懷疑、計較，但系如果你開始懷疑、開始失望，請快快離場，唔好再留戀，已經唔系值唔值得既問題，而系你已經心死、唔再愛尼個人，唔好再做一D互傷殘殺既傻事啦﹗傷害到人又傷害到自己。我地唔系要同人比較，系要同自己交代﹗你要對自己有要求，佢咁對你，系佢既損失，系佢唔珍惜你﹗唔系你有問題，你已經盡左力，無悔就算啦﹗

勇敢面對吧﹗

記住：要做一個好男人/好女仔，總會遇到一個識得欣賞你、珍惜你既人﹗
PS: 我永遠都會系你身邊支持你﹗無論你既決定系點，我都會支持你架﹗
<雖然我地個個都好唔鐘意佢，因為佢蝦你囉 =(>

A Love Story from BB

在一個很忙碌的早上，大約是8:30，一個大約八十歲的老人家，想找一個 醫生幫他拆線。他很趕；但醫生正在幫人做手術，所以，他一直在等， 不停地看錶。當時這個護士自己不是太忙，看著老人家好像是很趕似的， 自己又沒什麼好做。好吧！讓我來幫他拆線吧！我叫那個老伯先坐下， 然後，我再把傷口上的布一層一層地拆下，一邊拆一邊和那個老伯閒聊。護士小姐特然好奇地問：「為什麼你這麼趕？」 「是呀！因為我約了人9:00，真不好意思，麻煩了你！」 護士好奇的想：八十多歲的老人家應該不用上班的了，什麼事情讓他那麼趕呢？ 老人家說：「是呀…是呀…我要趕去老人療養院陪我的老婆吃早餐。」 護士小姐就更加好奇：「啊呀！原來入了療養院啊！沒有什麼嘛？」 老人家答：「啊！沒事了，柏金遜症罷了，都好一段日子的了。」護士小姐幫他拆好了線，看一看錶：「哎呀！你會遲到，怕不怕你的太太會擔心你呀？」老人說：「不會，這五年來她都不認得我了，我去不去，其實她都不知道。」 護士小姐很好奇地問：「！她已經不認得你五年之久啦！你還每朝早去？」 老人笑笑口，拍拍護士的手說：「她不認得我，但我認得她，那就可以了。」 跟著他就慢慢轉身走了。護士看著他的背影，眼淚慢慢地落下來了。 她自己想：這就是我需要的愛情。

真正的愛情不只是身體上，不只是講浪漫氣氛；
真正的愛情是接受，接受以前的對方，現在的對方和將來的對方。
無論他以前是怎樣，現在或將來是怎樣，快樂的人不一定要最好的。
快樂的人是把他所有的都看成最好的。

成功男人的女人vs成功女人

以前會覺得成功女人好叻，近年發覺...... 成功男人背後既女人仲叻﹗
近年唔知系咪見得成功男人多左呢﹗發覺到佢地身後既女人原來都好得過喎﹗賢良淑德，又靚，又大方得體，但系佢地永遠都系Keep住LowPro，唔會搶老公風頭，永遠系個場合度做到恰到好處，佢地既知識未必比成功女人少，但佢地既耐性，忍耐力都系超乎常人，佢地仲要系好獨立添呀﹗佢地可以忍受亞老公成日唔陪佢地，兩家人既大少事項都要自己去處理，佢地既交際手腕隨時好過亞成功老公添呀﹗對老公既事，要知，但唔八卦，老公唔開心，會適當時候比適當既關心，唔會煩﹗不過尼D唔系平時你地可以系表面度睇到。
以前會覺得以自己既資質、脾氣只可以有向成功女人既行列埋首，但系經過舊年年尾一役後，我發覺自己既可塑性原來系咁高..... 哈哈哈﹗兩邊都得喎﹗=P

忠告：各位男性朋友，如果你地發現你身邊個女人有以上特質，你要好好珍惜啦﹗香港地愈來愈少尼Type既女人架啦﹗
PS: 在此向成功男人背後的女人Catherine致敬﹗