今天.... 我哭了

只要你鍚我﹗

近日聖誕節﹗大家都為氹朋友開心而四出搜購聖誕禮物，其實好多時，買禮物比人，除左系令收禮物既人開心之外，其實自己都會好開心過喎，因為每個人在買禮物既時候都會幻想收禮物既人當收到禮物之後個個開心樣，所以你地會發覺，系禮物店中，好多客人都會自己系度傻笑﹗哈哈哈哈﹗但系佢地系幸福既一群，因為佢地擁有目標人物比機會佢地大出血同埋患狂想症﹗=P

我系一個好怪既人，朋友好難先買到我<真正>喜歡既禮物，所以好多時，D朋友已經習慣系我生日前一兩個月就問定我想要咩生日禮物，然後大家私下夾定，佢買乜，另一個買乜，因為佢地知我個人實際﹗哈﹗會將Double左既禮物轉送別人，避免浪費﹗=p (好彩我D朋友明白我咋﹗Hehe﹗我真幸福) 所以為左不再重蹈覆切，佢地都會欣然接受我既一點點沒情趣﹗

以前朋友唔記得左某些重要日子，唔記得送禮物或表心意既話，我會好唔開心好唔開心，可能我系一個比較sensitive既女仔，我以前會覺得你唔記得，即系你唔重視我﹗我會好嬲，但系近年，人老左啦﹗無所謂啦﹗(如果你要蝦我，我都冇你符! 激氣) 近期仲玩埋俏皮添呀﹗買埋份禮物，然後叫人比番錢我，然後再送番比我﹗一手收錢，一手收禮物﹗哈哈﹗最後我都系得到我想要既野﹗幾開心，你又唔洗比我責罵，一舉兩得﹗heheheheheh!

好攪笑﹗ 我近日買左本黃偉文寫既書，嘩﹗我好驚訝﹗系裏面我發現左佢一篇文章....
<節錄>
你唔記得我幾時生日唔緊要，我自己買埋蛋糕，上你屋企，撳你門鐘，等你同我一齊切，一樣開心，反正我知你鍚我，何必計較這點小疏忽？

嘩﹗真系有種英雄所見略同既感覺呀﹗哈哈哈哈﹗

我知你鍚我架﹗=)

我靚唔靚？

哈哈﹗好攪笑，話說尋晚同黃生食飯 ，我問佢，我靚唔靚呀？平時D可惡既朋友，會答D好黑人憎既答案，SAY "OK LA" 或者 "Er....." 激死我，D好心地既朋友呢，最終都會敵不過我楚楚可憐既眼神，答 "幾啦" 或者 "靚既"，提起個 "既"字就火都尼架啦，不過算啦﹗佢地都算好好架啦﹗HEHE! 不過呢﹗尋日我聽到一個好感動既答案，亞黃生用好肯定既語氣，不出一秒之內，回答左一個 "靚" 字﹗嘩﹗個一刻，真系感動到想喊，時間上控制得好，加上刪除左個 "既"字，真系好確定既意思﹗哈哈哈哈﹗

嗱嗱嗱﹗各位有女朋友既好友﹗凡系亞女朋友問你佢靚唔靚呀﹗好唔好呀﹗可愛唔可愛呀﹗你都要第一時間，不出一秒之內答佢問個個形容詞就得架啦﹗千祈千祈唔好自加助語詞呀﹗答得慢同唔答指定答案都死呀﹗=p 女人唔需要真話，但求入到耳﹗hehe!!

我已得到

嘩﹗嘩﹗嘩﹗勁開心呀﹗近日真系好多事令到我好開心，最開心系可以同我班12月OC Team分享全年最佳project獎，真系好開心，獎只系其次，獎既背後系一份真摰既友情，回顧尼一年，發覺原來自己今年做左好多野，而當中最開心系，可以同一班朋友一齊分享辛酸同快樂，大家一齊合力做一個project，當中大家都有過沮喪、失望，但系大家互相扶持、互相幫忙，最後...得獎與否，已經唔再重要，享受過程先至系最重要。

大家好多時都以為我好想攞獎，但系其實只系攪下笑啫，有獎攞固然開心，冇獎攞我都一樣開心，因為我已經得到我最想要既野----朋友，好老實講，入青商，由始至終我都冇諗過話要點train up自己，只系想識多d朋友，而我地尼一班人，一拍即合，真系好難得﹗所以我會好好珍惜我地既友誼，雖然大家都好忙，但系希望盡我能力去維繫啦﹗

多謝.....我的好友

哈哈哈哈﹗好攪笑好攪笑，我以為呢，我平時系尼度發up風，寫既嘢系冇人會理，點知近日收到好多好友既電話，紛紛打尼回應番我之前一篇文章"I hate to be host"。佢地一D就話唔系唔想約我去玩，而系真系好忙唔得閒做host，有D就話朋友少，或者D朋友既質素唔好，反驚失禮我，但系佢地都好正視我唔開心尼個問題，哈哈﹗紛紛約我去玩，哈哈哈哈﹗勁開心﹗開心，唔系因為有得玩，而系因為見到D朋友咁重視我，同埋佢地會好留意我既日記。真系好開心﹗好多謝你地呀﹗鍚晒你地呀﹗=)

哥哥決定結婚了

嘩嘩﹗嘩﹗估到估唔到，我亞哥決定下年結婚，10年啦﹗瑪姬同我亞哥大大話話都一齊左10年啦﹗我都同瑪姬同居左9年，終於等到結婚啦﹗嗱嗱嗱﹗結婚唔等於佢地會搬出去，唔等於瑪姬會比番半個衣柜比我，但系起碼.......知道.....我個半個衣柜回歸期不遠已.........

生活系雜物房既日子都有好幾年，由我去上海做野個日開始，佢地就部署進佔我間房，我番尼香港之後，佢都系厚顏地佔用我間房，我好多朋友都登我不值，但系我......唉.....個人比較得體，好難同佢反面，令到我每日都系瞓系雜物之上，好可憐呵........

我....我.....我....終於等到尼一日啦﹗保守估計，我亞哥下年年尾結婚，2007年申請宿舍，2008年尾遷出，好過冇啦....唉....

點解我亞哥會突然之間話結婚呢？哈哈哈哈......事原系.... 我表哥....細佢7年，今年都結左婚啦....仲要大攪....攪到亞媽質問亞哥.... 亞哥就唔答....瑪姬發大脾氣.....最後.....要就範.....真系多得表哥唔少啦。 =p

PS. 二叔，唔好扮唔舒服呀﹗快D番工呀﹗仲要記住打卡呀﹗爸爸要CHECK架﹗HAHAHA!!

I hate to be the host

一步入12月我就愁啦﹗好唔開心，我唔知系我自己個人有問題，定系咩呢，好似永遠只有我約人，冇人會約我既，我好唔開心﹗

點解我永遠都系介紹朋友比朋友識個個，但系就冇人帶我去玩，介紹D朋友比我識既尼，系咪我好唔得，D 朋友驚帶我出尼玩，好失禮呢？真系太令人沮喪啦﹗

做HOST做得多，我真系好攰啦﹗有時我都淨系想做一個普通既參加者，咩都唔做，但系我就好似永遠都冇咁既機會咁，成日都要我攪。我唔攪就冇得玩﹗好唔開心呀﹗

今年聖誕

今年聖誕，如無意外，都會留系香港，唉﹗咁就慘啦﹗我真系好怕假期留系香港，又多人，又唔知做乜好，所以留系香港過聖誕都幾..........
咁快又一年啦﹗記得舊年系歐洲過聖誕，好開心，過左一個白色聖誕，收左好多聖誕禮物，因為好開心，今年..... 唔知會點過尼？
前日行過馬莎，己經見到好多聖誕物品，好有聖誕氣氛，我記得舊年系Tante屋企食既德國聖誕蛋糕，系馬莎都有得買，我好掛住佢，因為佢好鍚我架﹗佢知道我第一次系德國過聖誕，就整左好多德國人過聖誕食既食品比我食，又幫我安排左一連串既活動，真系好感激佢，唔知幾時先再可以見到佢lu。